Futbol bo‘yicha Osiyo Chempionlar Ligasi guruh bosqichi 1-turi doirasida “Paxtakor” 14-aprel, chorshanba kuni “Traktor” bilan bahs yuritdi.
Uchrashuvning birinchi bo‘limida darvozalar daxlsiz qoldi. Ikkinchi 45 daqiqalik esa Tabriz klubining faolligi bilan boshlandi va bu hisobda ham o‘z aksini topdi. 52-daqiqada Ashkan Dejaga 11 metrlik jarima zarbasini golga aylantirdi. 56-daqiqada esa Muhammad Abboszoda darvozabon bilan birga-bir vaziyatga chiqib, hisobni 2:0 ko‘rinishiga olib keldi. 69-daqiqaga kelib, Dragan Cheran ajoyib zarbasi bilan oradagi farqni qisqartirdi. 75-daqiqada esa Sharof Muhiddinov uzoq masofadan eronliklar darvozabonini dog‘da qoldirib, muvozanatni tikladi. Shundan so‘ng “sherlar” bir qator hujumlar uyushtirdi, ulardan birida Hojimat Erkinov himoyachilar xatosidan foydalanib, o‘z hisobiga gol yozdirib qo‘ydi. Ammo 85-daqiqada Muhammad Abboszoda “Paxtakor” darvozasiga belgilangan ikkinchi penaltini golga aylantirib, dublni rasmiylashtirdi. Shu tariqa 1-tur doirasida o‘tgan o‘yin 3:3 hisobidagi jangovar durang bilan yakunlandi.
“Paxtakor” 2-turda 17-aprel kuni “Eyr Fors”ga qarshi o‘yin o‘tkazsa, “Traktor” “Sharja” bilan kuch sinashadi.
OChL
Guruh bosqichi, 1-tur
14-aprel, chorshanba
“Paxtakor” — “Traktor” 3:3
Gollar: 0:1 — 53 Dejaga, 0:2 — 56 Abboszoda, 1:2 — 69 Cheran, 2:2 — 75 Muhiddinov, 3:2 — 81 Erkinov, 3:3 — 85 Abboszoda.“Paxtakor”: Quvvatov, Alijonov (Yo‘ldoshev 57), Anzur Ismoilov, Krimets, Sayfiyev, Abror Ismoilov, Sobirxo‘jayev (Muhiddinov 68), Turg‘unboyev ( Erkinov 57), Rashidov (Xolmatov 68), Cheran, Derdiyok.
“Traktor”: Muhammadrizo Axbori, Muhammadrizo Xonzoda, Hadi Muhammadi, Akbar Imani (Hamid Buhamdan 79), Peyman Boboyi, Saman Narimonjahon, Mehdi Tikdari, Meysam Temuriy, Ashkan Dejaga (Muhammad Qodiriy 79), Muhammad Abboszoda (Amin Asadi 87), Milad Faxriddini.
Izoh (0)