Jizzaxdagi restoranlarning birida qo‘llari bir-biriga tegib ketgan yigitlar janjallashib ketdi, deya xabar bermoqda Tergov departamenti.
Qayd etilishicha, 2021-yilning 10-aprel kuni soat 21:30 larda 25 yoshli J.Sh. Jizzax shahri “Toshloq” mahallasi hududida joylashgan jamoat joyi hisoblangan “Prim” restoranida tanishlari bilan o‘yin-kulgi qilayotgan vaqtida 21 yoshli J.Z. bilan qo‘llari bir-biriga tegib ketganligi sababli o‘rtalarida o‘zaro janjal kelib chiqqan.
J.Z.ni urib do‘pposlayotganida J.Sh. ushbu bezorilik harakatlarining oldini olish chorasini ko‘rgan fuqarolar 21 yoshli S.S. hamda 20 yoshli Q.I.ga faol qarshilik qilib, ular tanasining duch kelgan joylariga urib, jarohat yetkazgan.
Mazkur holat yuzasidan Jizzax shahri bo‘yicha IIO FMB huzuridagi tergov bo‘limi tomonidan J.Sh.ga nisbatan Jinoyat kodeksining 277-moddasi 3-qismi “g” bandi (bezorilik) bilan jinoyat ishi qo‘zg‘atilib, protsessual tartibda ushlangan.
Hozirda tergov harakatlari olib borilmoqda.
Bundan avval Nukusdagi “Las-Vegas” restorani musiqachisi mast mijozlar tomonidan kaltaklangani, Toshkentdagi restoran egasi Mirobod tuman hokimligining xatti-harakatlari ustidan shikoyat qilgani hamda Qashqadaryoda maktab direktori o‘rinbosarining o‘g‘liga ikki baho qo‘ygan ingliz tili o‘qituvchisi kaltaklangani haqida xabar berilgandi.
Izoh (0)