Жиззахдаги ресторанларнинг бирида қўллари бир-бирига тегиб кетган йигитлар жанжаллашиб кетди, дея хабар бермоқда Тергов департаменти.
Қайд этилишича, 2021 йилнинг 10 апрель куни соат 21:30 ларда 25 ёшли Ж.Ш. Жиззах шаҳри «Тошлоқ» маҳалласи ҳудудида жойлашган жамоат жойи ҳисобланган «Прим» ресторанида танишлари билан ўйин-кулги қилаётган вақтида 21 ёшли Ж.З. билан қўллари бир-бирига тегиб кетганлиги сабабли ўрталарида ўзаро жанжал келиб чиққан.
Ж.З.ни уриб дўппослаётганида Ж.Ш. ушбу безорилик ҳаракатларининг олдини олиш чорасини кўрган фуқаролар 21 ёшли С.С. ҳамда 20 ёшли Қ.И.га фаол қаршилик қилиб, улар танасининг дуч келган жойларига уриб, жароҳат етказган.
Мазкур ҳолат юзасидан Жиззах шаҳри бўйича ИИО ФМБ ҳузуридаги тергов бўлими томонидан Ж.Ш.га нисбатан Жиноят кодексининг 277-моддаси 3-қисми «г» банди (безорилик) билан жиноят иши қўзғатилиб, процессуал тартибда ушланган.
Ҳозирда тергов ҳаракатлари олиб борилмоқда.
Бундан аввал Нукусдаги «Лас-Вегас» ресторани мусиқачиси маст мижозлар томонидан калтаклангани, Тошкентдаги ресторан эгаси Миробод туман ҳокимлигининг хатти-ҳаракатлари устидан шикоят қилгани ҳамда Қашқадарёда мактаб директори ўринбосарининг ўғлига икки баҳо қўйган инглиз тили ўқитувчиси калтаклангани ҳақида хабар берилганди.
Изоҳ (0)