Туркияда ҳукуматни танқид қилгани учун ҳибсга олинган собиқ адмираллар (ҳарбий флотдаги олий унвон соҳиби) озод қилинди, деб ёзади Bianet.
Расмийлар суддан гумонланувчилардан бири, истеъфодаги адмирал Эргун Менгини конституциявий тузумга путур етказиш учун фитна уюштиришда айблаб, ҳибсда ушлаб турилишини сўради. Бироқ суд уни ҳам провинцияни тарк этмаслик шарти билан озод қилди.
5 апрель куни Анқара Бош прокуратураси истеъфодаги 10 нафар адмиралга нисбатан ҳибсга олиш ордери берилганини маълум қилди. Шунингдек, ҳуқуқни муҳофаза қилиш идораси яна 4 нафар гумонланувчига уч кун ичида ўз ихтиёри билан полицияга мурожаат қилишини буюриб, гумон қилинувчиларнинг ёши катта бўлгани сабабли уларни ҳибсга олмаслик тўғрисида қарор қабул қилди.
Собиқ адмиралларга қарши жиноий иш қўзғатишга 4 апрель куни 104 нафар собиқ ҳарбий хизматчи номидан келган хат асос бўлди. Хатда собиқ адмираллар Туркиянинг Монтрё конвенциясидан чиқиш эҳтимолидан хавотирдалиги баён қилинган.
Изоҳ (0)