Humo Arena muz majmuasida Eteri Tutberidzening “Muz ustida chempionlar” nomli katta shou tomoshasi bo‘lib o‘tadi. O‘zbekistonda madaniyat, san’at va sport sohalaridagi yirik loyihalarni amalga oshirib kelayotgan Art Uz Promotion Agency kompaniyasi tadbirga tashkilotchilik qiladi.
Bunday miqyosdagi muz namoyishi O‘zbekistonda birinchi marta bo‘lib o‘tadi. Ushbu noyob loyihani figurali uchish bo‘yicha dunyoning eng kuchli murabbiylaridan biri — Eteri Tutberidze taqdim etadi.
“Muz ustida chempionlar” shousi – sayyoramizning eng nomdor figurali uchuvchilarining noyob tomoshasi va ularning namunali chiqishlarining namoyishi. Bu dastur ushbu nafis sport turining muxlislarida katta qiziqish uyg‘otibgina qolmay, figurali uchish san’atini talab va mashhurlikning eng yuksak cho‘qqisiga olib chiqadi.
Toshkent aholisi va mehmonlari uchun Tutberidzening yulduzli o‘quvchilari, shuningdek, taklif qilingan mehmonlar – Rossiya figurali uchish bo‘yicha terma jamoasi vakillari o‘z chiqishlarini taqdim etadi. Ular yirik sport musobaqalarida o‘ziga katta mukofotlarni qo‘lga kiritish imkonini bergan dasturlarini namoyish etadi. Tomoshabinlar figurali uchish ustalari ijrosidagi sakrash, aylanish va shu kabi qator murakkab elementlarni ko‘rishga muyassar bo‘ladi. Shouga kiritilgan diqqatga sazovor chiqishlar jahon figurali uchish tarixi sahifalaridan munosib o‘rin olgan.
Shou ishtirokchilari Rossiya terma jamoasining eng nomdor figurali uchuvchilaridir. Ular orasida Olimpiada, Yevropa va jahon chempioni Alina Zagitova, Olimpiada o‘yinlari kumush medalining ikki karra sovrindori Yevgeniya Medvedeva, 2021-yil jahon chempioni Anna Sherbakova bor. Shuningdek, o‘smirlar o‘rtasidagi jahon chempioni Kamila Valiyeva, Jahon chempionati kumush medali sovrindori Elizabeta Tursinbayeva, Yevropa chempioni Alyona Kostornaya, Yevropa chempionati kumush medali sovrindori Moris Kvitelashvili va mehmon yulduzlar – Rossiya terma jamoasi yetakchi sportchilari ham borligini ta’kidlash joiz.
“Muz ustida chempionlar” loyihasi ishtirokchilari sportning go‘zalligi va qudrati, jozibasi hamda ko‘lami uyg‘unligining timsolidir. Poytaxtda namoyish etiladigan loyiha zamonaviy figurali uchish sporti vakillari va ularning jahon miqyosidagi yutuqlarini birlashtiradi.
“Muz ustida chempionlar” – bu sportchilarning kuchi, muvaffaqiyati va salomatligining yorqin namunasi. Har bir tomoshabinda beixtiyor kuzatuvchi maqomidan jarayon ishtirokchisi maqomiga o‘tish va sportni o‘z sog‘lom turmush tarzining bir qismiga aylantirish istagi tug‘iladi.
Loyiha ijtimoiy yo‘naltirilgan. Shou maqsadi faqatgina ko‘ngil ochish emas. Eng muhimi, loyiha tashkilotchilari va ishtirokchilari o‘z oldiga sport foydaligina emas, balki istiqbolli ham ekanligini ko‘rsatish vazifasini qo‘ygan.
Bugungi kunda figurali uchish sportning eng ommaviy turlaridan biri. Sportchilar professional faoliyati tugaganidan keyin ham ishsiz qolmaydi. Hayotini bu sohaga bag‘ishlaganlar o‘z ishini muvaffaqiyatli biznesga aylantirishi, shu orqali sport klublarida shug‘ullanishni istaganlar sonini oshirishi, shuningdek, mazkur yo‘nalishni rivojlantirish uchun sarmoyadorlarni jalb qilishga qulay imkoniyatlar yaratishdek xayrli ishlarga bosh bo‘lishi mumkin.
Eslatib o‘tamiz, joriy yilning 7-yanvarida Art Uz Promotion Agency kompaniyasi shaharda, ochiq osmon ostidagi muz maydonida uchish ijtimoiy loyihasini ham amalga oshirgan edi. Muz maydoni poytaxt markazida, Alisher Navoiy nomidagi davlat akademik katta teatri oldida joylashdi. Ochilish marosimida taniqli rossiyalik figurali uchish ustasi Aleksey Yagudin ishtirok etdi.
Chiptalarni myticket.uz saytida xarid qilish mumkin. Chiptalar narxi 150 ming so‘mdan boshlanadi.
Batafsil ma’lumot uchun telefon: +99895 169 87 87
Reklama huquqi asosida.
Izoh (0)