Har yili dunyoda millionga yaqin odamga oshqozon saratoni tashxisi qo‘yiladi, bemorlarning 780 000 nafari ushbu kasallik tufayli vafot etadi. Oshqozon saratoni dunyoda tarqalishi bo‘yicha beshinchi, saraton kasalligidan vafot etish ko‘rsatkichi bo‘yicha esa ikkinchi o‘rinda turadi. Immunoterapiya ushbu jiddiy kasallikda yashovchanlikni oshiradi.
Ushbu yomon o‘smaning xavfliligi shundaki, u uzoq vaqt davomida o‘zi haqida hech narsani sezdirmaydi. Bemorlar bezovtalikni faqat u o‘sganida seza boshlaydi. Ammo shunga qaramay, ular shifokorga murojaat qilishga shoshilmaydi, noxush alomatlarni “oshqozonning hazm qilmasligi”, deb o‘ylaydi. Natijada tashxis kech qo‘yiladi.
Immunoterapiya — oshqozon saratonini davolashda katta yutuq. O‘tkazilgan sinovlar shuni ko‘rsatdiki, metodikani qo‘llashda o‘smaning o‘sishi sekinlashadi, uning hajmi kichrayadi va bemorlar orasida yashovchanlik foizi oshadi. Shu bilan birga, jiddiy nojo‘ya ta’sirlar yuzaga kelmaydi, bemorning hayot sifati yomonlashmaydi.
“Oshqozon saratonini davolashda erishilgan yutuqlar tufayli nafaqat bemorning hayot sifati yaxshilanadi, balki hayot davomiyligi ham oshiriladi. Shuni unutmaslik kerakki, saratonning barcha turlarida bo‘lgani kabi bunda ham kasallikni dastlabki bosqichlarda aniqlash muhimdir”, — deb ta’kidlaydiki professor, Acıbadem shifoxonasi shifokori Feysal Dane.
Oshqozon saratonining 6 ta jiddiy alomatlari
Kasallikka chalingan bemorlarning atigi uchdan bir qismidagina tashxis erta bosqichda qo‘yiladi. Achinarli statistikaning sababi shuki, xastalik o‘zini hech qanday tarzda namoyon qilmaydi. Skrining tadqiqotiga kelsak, u kamdan-kam qo‘llaniladi.
“Oshqozon saratoni — bu hiylakor, progressiv kasallik. O‘smaning o‘sishi bilan quyidagi alomatlar — doimiy ko‘ngil aynishi va qusish, uzoq vaqt tark etmaydigan qorin og‘rig‘i, oshqozonning ovqat bilan tez to‘lib qolishi, qusganda qon kelishi, yutishning qiyinlashishi, vazn yo‘qolishi kuzatiladi. Ushbu shikoyatlarni e’tiborsiz qoldirib bo‘lmaydi, ular tezda shifokorga murojaat qilishni talab etadi”, — deb ogohlantiradi professor.
Immunoterapiya: hayratlanarli natijalar
Oshqozon saratonini davolash usullari doimiy ravishda takomillashtirilmoqda. Bu maqsadli dorilarga ham, kimyoviy terapiya bilan birgalikda qo‘llaniladigan immunoterapiyaga ham tegishli.
Immunoterapiya (immunitetni mustahkamlash) usuli bilan davolash saraton hujayralari paydo bo‘lishining oldini olish, ularning o‘sishini nazorat qilish va yo‘q qilishni o‘z ichiga oladi. Xavfli o‘smalarga qarshi kurashning boshqa usullaridan farqli o‘laroq, bu usul saraton hujayralariga bevosita ta’sir qilmaydi, ammo immunitet tizimini faollashtirish orqali ular bilan organizmning o‘zi kurashishiga majbur qiladi.
Bugungi kunda oshqozon saratonini davolashda immunoterapiya samaradorligi alohida va kimyoviy terapiya bilan birgalikda faol o‘rganilmoqda. Feysal Dane shunday ta’kidlaydi: “Garchi tadqiqot natijalariga ko‘ra, u yoki bu bemorga muolajaning qanday ta’siri bo‘lishini aniq aytib bo‘lmasa ham, ba’zi sinovlar immunoterapiyaning kimlarga foydali bo‘lishi mumkinligini oldindan aytish mumkin. Bugungi kunda oshqozon saratoni tashxisi qo‘yilgan har bir bemor immunoterapiyani qo‘llash imkoniyatlari jihatidan baholanadi, chunki u ilmiy tadqiqotlarda ajoyib natijalarni ko‘rsatgan”.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Toshkent shahri, Mirzo Ulug‘bek tumani, Buyuk Ipak yo‘li mavzesi, 19-uy
Telefon: +99895 144 54 45
Shuningdek, rasmiy sayt www.acibadem.com.ru orqali barcha kerakli ma’lumotlarga ega bo‘lishingiz mumkin.
Reklama huquqi asosida.
Izoh (0)