Ҳар йили дунёда миллионга яқин одамга ошқозон саратони ташхиси қўйилади, беморларнинг 780 000 нафари ушбу касаллик туфайли вафот этади. Ошқозон саратони дунёда тарқалиши бўйича бешинчи, саратон касаллигидан вафот этиш кўрсаткичи бўйича эса иккинчи ўринда туради. Иммунотерапия ушбу жиддий касалликда яшовчанликни оширади.
Ушбу ёмон ўсманинг хавфлилиги шундаки, у узоқ вақт давомида ўзи ҳақида ҳеч нарсани сездирмайди. Беморлар безовталикни фақат у ўсганида сеза бошлайди. Аммо шунга қарамай, улар шифокорга мурожаат қилишга шошилмайди, нохуш аломатларни «ошқозоннинг ҳазм қилмаслиги», деб ўйлайди. Натижада ташхис кеч қўйилади.
Иммунотерапия — ошқозон саратонини даволашда катта ютуқ. Ўтказилган синовлар шуни кўрсатдики, методикани қўллашда ўсманинг ўсиши секинлашади, унинг ҳажми кичраяди ва беморлар орасида яшовчанлик фоизи ошади. Шу билан бирга, жиддий ножўя таъсирлар юзага келмайди, беморнинг ҳаёт сифати ёмонлашмайди.
«Ошқозон саратонини даволашда эришилган ютуқлар туфайли нафақат беморнинг ҳаёт сифати яхшиланади, балки ҳаёт давомийлиги ҳам оширилади. Шуни унутмаслик керакки, саратоннинг барча турларида бўлгани каби бунда ҳам касалликни дастлабки босқичларда аниқлаш муҳимдир», — деб таъкидлайдики профессор, Acıbadem шифохонаси шифокори Фейсал Дане.
Ошқозон саратонининг 6 та жиддий аломатлари
Касалликка чалинган беморларнинг атиги учдан бир қисмидагина ташхис эрта босқичда қўйилади. Ачинарли статистиканинг сабаби шуки, хасталик ўзини ҳеч қандай тарзда намоён қилмайди. Скрининг тадқиқотига келсак, у камдан-кам қўлланилади.
«Ошқозон саратони — бу ҳийлакор, прогрессив касаллик. Ўсманинг ўсиши билан қуйидаги аломатлар — доимий кўнгил айниши ва қусиш, узоқ вақт тарк этмайдиган қорин оғриғи, ошқозоннинг овқат билан тез тўлиб қолиши, қусганда қон келиши, ютишнинг қийинлашиши, вазн йўқолиши кузатилади. Ушбу шикоятларни эътиборсиз қолдириб бўлмайди, улар тезда шифокорга мурожаат қилишни талаб этади», — деб огоҳлантиради профессор.
Иммунотерапия: ҳайратланарли натижалар
Ошқозон саратонини даволаш усуллари доимий равишда такомиллаштирилмоқда. Бу мақсадли дориларга ҳам, кимёвий терапия билан биргаликда қўлланиладиган иммунотерапияга ҳам тегишли.
Иммунотерапия (иммунитетни мустаҳкамлаш) усули билан даволаш саратон ҳужайралари пайдо бўлишининг олдини олиш, уларнинг ўсишини назорат қилиш ва йўқ қилишни ўз ичига олади. Хавфли ўсмаларга қарши курашнинг бошқа усулларидан фарқли ўлароқ, бу усул саратон ҳужайраларига бевосита таъсир қилмайди, аммо иммунитет тизимини фаоллаштириш орқали улар билан организмнинг ўзи курашишига мажбур қилади.
Бугунги кунда ошқозон саратонини даволашда иммунотерапия самарадорлиги алоҳида ва кимёвий терапия билан биргаликда фаол ўрганилмоқда. Фейсал Дане шундай таъкидлайди: «Гарчи тадқиқот натижаларига кўра, у ёки бу беморга муолажанинг қандай таъсири бўлишини аниқ айтиб бўлмаса ҳам, баъзи синовлар иммунотерапиянинг кимларга фойдали бўлиши мумкинлигини олдиндан айтиш мумкин. Бугунги кунда ошқозон саратони ташхиси қўйилган ҳар бир бемор иммунотерапияни қўллаш имкониятлари жиҳатидан баҳоланади, чунки у илмий тадқиқотларда ажойиб натижаларни кўрсатган».
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин.
Тошкент шаҳри, Мирзо Улуғбек тумани, Буюк Ипак йўли мавзеси, 19 уй
Телефон: +99895 144 54 45
Шунингдек, расмий сайт www.acibadem.com.ru орқали барча керакли маълумотларга эга бўлишингиз мумкин.
Реклама ҳуқуқи асосида.
Изоҳ (0)