Mobiuz 16 ta tarif rejasida megabayt va daqiqalar hajmini oshirdi, shuningdek, oylik internet to‘plamlar narxini pasaytirdi.
2020-yilning oktabr oyida mobil aloqa operatori (2021-yilning 31-martigacha) maxsus aksiyalar doirasida tarif rejalari, oylik internet to‘plamlar va OnNet opsiyalarini taqdim etish shartlarini yanada qulay qilgan edi. Joriy yilning 1-aprelidan boshlab kompaniya ushbu qulayliklarni saqlab qoldi va ularning doimiy tarzda bo‘lishini e’lon qildi.
Xususan, Mobiuz oylik va yillik abonent to‘loviga ega 16 ta tarif rejasini yangiladi. Ular qatorida Mobi turkumiga kiruvchi 8 ta tarif (Mobi 20, 30, 40, 50, 70, 90, 110, 150), 5 ta yillik Mobi tariflari, internet uchun 2 ta tarif rejasi (“Gap Yo‘q” va “Gap Yo‘q Pro”), shuningdek, Omad Plus ijtimoiy tariflari joy olgan.
Masalan, Mobi 90 tarif rejasi bo‘yicha 65 000 MB, tarmoq ichida cheksiz suhbat, O‘zbekiston bo‘yicha qo‘ng‘iroqlarga 3 500 daqiqa va xuddi shuncha SMS xabarlar taqdim etilmoqda. Uning abonent to‘lovi 90 ming so‘m. “Gap Yo‘q Pro” esa oyiga 75 ming so‘mga kunduzgi 35 000 MB, tungi 25 000 MB, 1 000 daqiqani o‘z ichiga olgan.
Shu bilan birga Mobiuz barcha oylik internet to‘plamlar narxini ham keskin arzonlashtirdi. Masalan, olti oy avval narxi 200 ming so‘mdan yuqori bo‘lgan 50 000 megabaytlik to‘plam hozirda atigi 75 ming so‘mga taqdim etilmoqda.
Har oyda avtomatik ravishda belgilanadigan OnNet to‘plamlari narxlaridagi o‘zgarishlar undan ham sezilarli — ikkinchi oydan boshlab ular yanada arzonlashadi. 50 000 MB birinchi oyda 75 ming so‘mni tashkil qilsa, ikkinchi oydan boshlab uning narxi 67,5 ming so‘mgacha tushadi.
“O‘tgan oylar davomida aksiyalarni doimiy ravishda o‘tkazish bo‘yicha abonentlardan ko‘plab takliflar kelib tushdi. Natijada Mobiuz mahsulot va xizmatlarining hamyonbop narx-navolari endi vaqtinchalik aksiya emas, balki mobil aloqa operatorining doimiy taklifidir. Bu orqali biz yana bir bor ta’kidlamoqchimizki, xizmatlarimizdan foydalanuvchi abonentlarga mehr va e’tibor ko‘rsatish biz uchun ustuvor ahamiyatga ega. Yil davomida va kelgusida bu yo‘sindagi ijobiy o‘zgarishlarni davom ettiramiz”, — deb ta’kidladi Mobiuz’ning jamoatchilik bilan aloqalar bo‘yicha rasmiy vakili Sardor Tojiyev.
Ayni paytda Mobiuz mobil aloqa operatori boshqa internet mahsulot va xizmatlar narxini ham pasaytirish ustida ish olib bormoqda. Hozircha aksiya ko‘rinishida bo‘lgan va 23-maygacha davom etadigan faollik bo‘yicha kunlik nternet to‘plamlar, “Tungi Drive” — tungi cheksiz internet xizmati arzonlashtirildi.
Shuningdek, 1-apreldan boshlab Mobiuz yana bir qulay tarif rejasini joriy qildi. Bu haqida ko‘proq ma’lumot olish uchun o‘zbek tilidagi MOBIUZuzb Telegram kanaliga obuna bo‘ling.
Reklama huquqi asosida.
Izoh (0)