Mobiuz кўпроқ интернет трафик тақдим эта бошлади

Mobiuz 16 та тариф режасида мегабайт ва дақиқалар ҳажмини оширди, шунингдек, ойлик интернет тўпламлар нархини пасайтирди.

2020 йилнинг октябрь ойида мобил алоқа оператори (2021 йилнинг 31 мартигача) махсус акциялар доирасида тариф режалари, ойлик интернет тўпламлар ва OnNet опцияларини тақдим этиш шартларини янада қулай қилган эди. Жорий йилнинг 1 апрелидан бошлаб компания ушбу қулайликларни сақлаб қолди ва уларнинг доимий тарзда бўлишини эълон қилди.

Хусусан, Mobiuz ойлик ва йиллик абонент тўловига эга 16 та тариф режасини янгилади. Улар қаторида Mobi туркумига кирувчи 8 та тариф (Mobi 20, 30, 40, 50, 70, 90, 110, 150), 5 та йиллик Mobi тарифлари, интернет учун 2 та тариф режаси («Gap Yo‘q» ва «Gap Yo‘q Pro»), шунингдек, Omad Plus ижтимоий тарифлари жой олган.

Масалан, Mobi 90 тариф режаси бўйича 65 000 МБ, тармоқ ичида чексиз суҳбат, Ўзбекистон бўйича қўнғироқларга 3 500 дақиқа ва худди шунча SMS хабарлар тақдим этилмоқда. Унинг абонент тўлови 90 минг сўм. «Gap Yo‘q Pro» эса ойига 75 минг сўмга кундузги 35 000 МБ, тунги 25 000 МБ, 1 000 дақиқани ўз ичига олган.

Шу билан бирга Mobiuz барча ойлик интернет тўпламлар нархини ҳам кескин арзонлаштирди. Масалан, олти ой аввал нархи 200 минг сўмдан юқори бўлган 50 000 мегабайтлик тўплам ҳозирда атиги 75 минг сўмга тақдим этилмоқда.

Ҳар ойда автоматик равишда белгиланадиган OnNet тўпламлари нархларидаги ўзгаришлар ундан ҳам сезиларли — иккинчи ойдан бошлаб улар янада арзонлашади. 50 000 МБ биринчи ойда 75 минг сўмни ташкил қилса, иккинчи ойдан бошлаб унинг нархи 67,5 минг сўмгача тушади.

«Ўтган ойлар давомида акцияларни доимий равишда ўтказиш бўйича абонентлардан кўплаб таклифлар келиб тушди. Натижада Mobiuz маҳсулот ва хизматларининг ҳамёнбоп нарх-наволари энди вақтинчалик акция эмас, балки мобил алоқа операторининг доимий таклифидир. Бу орқали биз яна бир бор таъкидламоқчимизки, хизматларимиздан фойдаланувчи абонентларга меҳр ва эътибор кўрсатиш биз учун устувор аҳамиятга эга. Йил давомида ва келгусида бу йўсиндаги ижобий ўзгаришларни давом эттирамиз», — деб таъкидлади Mobiuz’нинг жамоатчилик билан алоқалар бўйича расмий вакили Сардор Тожиев.

Айни пайтда Mobiuz мобил алоқа оператори бошқа интернет маҳсулот ва хизматлар нархини ҳам пасайтириш устида иш олиб бормоқда. Ҳозирча акция кўринишида бўлган ва 23 майгача давом этадиган фаоллик бўйича кунлик нтернет тўпламлар, «Tungi Drive» — тунги чексиз интернет хизмати арзонлаштирилди.

Шунингдек, 1 апрелдан бошлаб Mobiuz яна бир қулай тариф режасини жорий қилди. Бу ҳақида кўпроқ маълумот олиш учун ўзбек тилидаги MOBIUZuzb Telegram каналига обуна бўлинг.

Реклама ҳуқуқи асосида.