28-mart kuni poytaxtda uchinchi Toshkent xalqaro marafoni bo‘lib o‘tdi. 15 ta mamlakatdan qatnashgan 2000 nafar sportchi marafon, yarim marafon va ekiden masofalarini yugurib o‘tdi. Ishtirokchilar qatorida First Development Group jamoasi ham ishtirok etdi.
Bosh direktor Oybek Shodiyev hamda hammuassislar — Gleb va Mark Zingerman bilan birgalikda 20 nafar xodim startga chiqdi. Ushbu keng ko‘lamli tadbir nimasi bilan esda qolganligi haqida bugungi intervyuda gapirib beramiz.
Oybek Shodiyev, FDG bosh direktori
Marafonda qatnashish haqidagi xabar bir zumda kompaniyamiz bo‘ylab tarqalib ketdi va ko‘plab xodimlar bunga o‘z qiziqishini bildirdi. Shunday qilib, biz 20 nafar odamdan tashkil topgan jamoani to‘pladik va turli masofalarni zabt etishga yo‘l oldik. Aslini olganda, shaxsiy misolda jamoaviy ruhni rivojlantirish nihoyatda muhim. Kompaniyaning hammuassisi Mark Zingerman ham ana shunday prinsiplarga amal qilgan holda 21 kilometrga teng masofani yugurib o‘tdi. Gleb Zingerman esa ekiden jamoasiga 42 kilometr masofani yugurib o‘tish natijasida dastak bo‘ldi. Bu nihoyatda rag‘batlantiradi va jipslashtiradi. Aytish mumkinki, bunday faollik biz uchun musobaqaga qaraganda ko‘proq timbilding singari bo‘ldi.
Alina Krasovskaya, FDG PR-menejeri
Biz uzoq vaqt tayyorgarlik ko‘rdik. Birinchi marta Yengil atletika federatsiyasiga fevral oyining oxirida kelgan edik va shundan so‘ng muntazam ravishda stadiondagi mashg‘ulotlarga qatnashdik. Trener bizga to‘g‘ri nafas olishni va yugurishni o‘rgatdi hamda qanday kiyinish kerakligini, poyabzalni qanday tanlashni va yugurishdan oldin mushaklarni qanday qizdirishni tushuntirdi. Mashg‘ulotlarga asosan ishdan keyin kechki payt qatnashdik. Aytish kerakki, havo ancha sovuq edi va atigi bir aylanadan so‘ng (400 metr) mushaklarimiz qotib qolardi, muzdek havo sababli nafas olish qiyinlashar edi. Ammo shunday sharoit ham bizga maqsadga erishish uchun xalaqit qilmadi.
Aleksey Osokin, tijorat ko‘chmas mulk bo‘limining katta menejeri
Umumiy yig‘ilish ertalabki soat yettida, Humo Arena oldida belgilangan edi. Lekin yo‘llar startdan oldin, 2 soat avval yopilganligi sababli soat beshda turishga to‘g‘ri keldi. Marafon uchun biz brendlangan bayroqlarni, futbolka va kepkalarni tayyorladik. Bu ham kayfiyatimizni yanada chog‘ qildi. Menda marafonga shunchaki bitta o‘zing emas, ishtirokchilari bir-birini qo‘llab-quvvatlayotgan inoq jamoaning tarkibida kelganlikning hissiyoti vujudga keldi. Masofani belgilangan vaqtda yengib o‘tganlik uchun barcha ishtirokchilarga medallar topshirildi, bu juda ham yoqimli edi. Aytgancha, kuchli yomg‘ir kutilmoqda, deb aytishganiga qaramay, ob-havo ham juda bizni quvontirdi.
Zarina Gilyazova, kompaniyaning HR mutaxassisi
Toshkent marafonida ishtirok etish — esda qolarli va maroqli timbilding bo‘ldi desam, adashmagan bo‘laman. Biz keyingi yili ham, albatta, ishtirok etamiz. FDG kompaniyasining xodimlari sport bilan shug‘ullanishni yoqtiradigan, sog‘lom turmush tarzining tarafdorlari bo‘lgan insonlar. Umuman olganda, biz natijadan mamnunmiz va o‘ylaymizki, ushbu tadbirni tashkil etish bo‘yicha g‘oya O‘zbekistondan va yaqin xorijiy davlatlardan yangi ishtirokchilarni jalb qilgan holda, muvaffaqiyatli ravishda rivojlanib boraveradi.Reklama huquqi asosida.Shu bilan bir qatorda, tadbirga kelgan, lekin ishtirok eta olmagan, bizning qo‘llab-quvvatlash guruhimizga alohida, marafon ishtirokchilari — Amir Yermatov, Alina Krasovskaya, Murod Xolnazarov, Aleksey Osokin, Anush Samsonova, Baurjan Amantayev, Aleksandr Perchenko, Veronika Patsuyeva, Elina Faxretdinova, Akmal Axmanov, Leyla Taylakova, Shaxribonu Ahmadaliyeva, Abdurashid Mo‘minov va Artur Nizayevga minnatdorchilik bildirmoqchimiz.
Izoh (0)