Toshkent shahri va Zangiota tumanidagi ishlab chiqarish sexlarida 2-aprel kuni yong‘in kelib chiqdi, deya xabar bermoqda Favqulodda vaziyatlar vazirligi.
Qayd etilishicha, soat 14:34 da Qushbegi ko‘chasida joylashgan Yakkasaroy kichik sanoat zonasi poyabzal ishlab chiqarish sexida yong‘in kelib chiqqan.
Toshkent shahar FVB qutqaruvchilari 3 daqiqa ichida yetib kelgan. Obyektning 200 kvadrat metrdan ortiq maydoni yongan bo‘lib, 40 daqiqa ichida yong‘in to‘liq bartaraf qilingan. Hodisada hech kim jabrlanmagan.
Shuningdek, soat 14:51 da Toshkent viloyati Zangiota tumanida ham yong‘in sodir bo‘lgan. Deraza va eshik ishlab chiqarish sexida kelib chiqqan yong‘in 15:45 da to‘liq bartaraf qilingan. Ushbu hodisada ham hech kim jabrlanmagan.
Bundan avval Sirdaryodagi o‘rmon xo‘jaligining salkam 150 gektar maydoni yonib ketgani, Farg‘onada unashtiruvi bekor qilingani sabab sevgan qizining uyini yoqib yuborgan yigit uch yilga qamalgani hamda Toshkentda to‘xtab turgan Lacetti yonib ketgani haqida xabar berilgandi.
Izoh (0)