Тошкент шаҳри ва Зангиота туманидаги ишлаб чиқариш цехларида 2 апрель куни ёнғин келиб чиқди, дея хабар бермоқда Фавқулодда вазиятлар вазирлиги.
Қайд этилишича, соат 14:34 да Қушбеги кўчасида жойлашган Яккасарой кичик саноат зонаси пойабзал ишлаб чиқариш цехида ёнғин келиб чиққан.
Тошкент шаҳар ФВБ қутқарувчилари 3 дақиқа ичида етиб келган. Объектнинг 200 квадрат метрдан ортиқ майдони ёнган бўлиб, 40 дақиқа ичида ёнғин тўлиқ бартараф қилинган. Ҳодисада ҳеч ким жабрланмаган.
Шунингдек, соат 14:51 да Тошкент вилояти Зангиота туманида ҳам ёнғин содир бўлган. Дераза ва эшик ишлаб чиқариш цехида келиб чиққан ёнғин 15:45 да тўлиқ бартараф қилинган. Ушбу ҳодисада ҳам ҳеч ким жабрланмаган.
Бундан аввал Сирдарёдаги ўрмон хўжалигининг салкам 150 гектар майдони ёниб кетгани, Фарғонада унаштируви бекор қилингани сабаб севган қизининг уйини ёқиб юборган йигит уч йилга қамалгани ҳамда Тошкентда тўхтаб турган Lacetti ёниб кетгани ҳақида хабар берилганди.
Изоҳ (0)