O‘zbekistonning kuni G‘arbiy Sibirning janubiy hududlaridan kirib kelgan sovuq antisiklon 2-aprel kuni sharqqa qarab siljiydi va Eron hududidan iliq havo kirib kelishi boshlanadi, havo 12-17 daraja iliqqacha isiydi, deb xabar bermoqda “O‘zgidromet”.
3-aprel kuni iliq havoning kirib kelishi kuchayadi, kechasi harorat 0-5 daraja iliqni tashkil etadi, kunduzi harorat 19-22 daraja iliqqacha ko‘tariladi. Qayd etilishicha, bu aprel oyi boshidagi o‘rtacha ko‘p yillik qiymatlaridan 2-3 daraja yuqori. Respublika bo‘yicha yog‘ingarchiliksiz ob-havo bo‘lishi kutilmoqda, faqat shimoliy hududlar bo‘yicha ba’zi joylarda yomg‘ir yog‘adi, momaqaldiroq bo‘lishi mumkin.
4-aprel kuni nam havo massasi respublikaning barcha hududlarini qamrab oladi. Barcha joylarda yomg‘ir yog‘adi, momaqaldiroq bo‘lishi mumkin, ba’zi joylarda shamol 17-22 metr/sekundgacha kuchayadi. Havo harorati 8-13 daraja iliqni tashkil etadi, kunduzi 11-16 daraja iliqdan yuqori bo‘lmaydi. Shimoliy hududlarda kechasi va ertalab yomg‘ir yog‘adi, Farg‘ona vodiysi viloyatlarida yomg‘ir va momaqaldiroq bilan kuzatiladigan atmosfera fronti kechqurun bo‘lib o‘tadi.
5-aprel kuni Toshkent viloyati va Farg‘ona vodiysida kechasi va kunduzi yomg‘ir yog‘ishi saqlanib turadi.
Respublikaning tog‘oldi va tog‘li hududlarida 4—5-aprel kunlari kuchli yomg‘ir yog‘adi, buning hisobiga ushbu hududlarda sel kelishi mumkin.
Toshkent va Namangan viloyatlarining 1600 metrdan yuqori tog‘li hududlarida 2—4-aprel kunlari qor ko‘chishi xavfi bor.
Izoh (0)