Bino qanchalik yuqoriga qarab ko‘tarilib borgani sari qurilish bosqichlari shunchalik qiziqarli tus oladi. 2020-yil iyun oyida Nest One ko‘p funksional majmuasining asosiy binosi — 51 qavatli turar joy majmuasining poydevoriga asos solindi va bugunga kelib u qanday tarzda 18 ta qavatga, yuqoriga ko‘tarilganini kuzatishingiz mumkin. Mamlakatdagi birinchi osmono‘par bino qurilishi yonidan o‘tib ketayotganlar va avtomobildagi yo‘lovchilar — barchaning nigohi binoning eng baland nuqtasiga tushganining guvohi bo‘lishingiz mumkin. Ular bu yerda logotip o‘rnatilgan katta inshootni ko‘radi, lekin bu reklama taxtasi emas! Bu shamolni to‘suvchi maxsus ekran.
Barcha bosqichlarda ishonchlilik va xavfsizlik har qanday qurilish sifatining asosiy mezonidir. Nest One majmuasining qurilishi bizning qurilish bozorimizda shu paytgacha o‘xshashi bo‘lmagan alohida e’tibor va eng yuqori xavfsizlik standartlarini talab etadi.
Balandlik oshib borishi bilan shamol tezligi ham oshishi hamma uchun kundek ravshan, chunki havo harakatlanganda pastki qatlamlar yer yuziga yetib borib sekinlashadi, balandlikda esa bu ta’sir faol ravishda kamayadi. Binobarin, bu havo oqimi kuchining oshishiga olib keladi. Shu bilan birga, doimiy shamollar va boshqa ob-havo sharoitlari qurilish ishlarini bajarish shartlariga sezilarli darajada ta’sir qiladi.
Bunyod etilayotgan bino balandligi va perimetri bo‘yicha ishlayotgan odamlarning xavfsizligini ta’minlash qurilish ishlari vaqtida eng muhim vazifalardan biri hisoblanadi. Shu sababli, mamlakatdagi birinchi osmono‘par bino hozirda qurilayotgan yuqori qavatlarning fasadi bo‘ylab shamoldan himoya qiluvchi maxsus ekranlarni o‘rnatgan. Birinchi navbatda, shamoldan himoya qilish tizimi xodimlar uchun yuqori darajadagi xavfsizlikni ta’minlaydi, ishning front qismini ob-havoning noqulay sharoitlaridan himoya qiladi va shu bilan ish samaradorligini oshiradi, qurilish-montaj ishlarining beqiyos sifatini ta’minlaydi.
Nest One qurilishda 150 yillik tajribaga ega bo‘lgan Avstriyaning Doka — shamoldan himoya qilish tizimidan foydalanadi. Bu uzoq vaqt davomida o‘zini yirik xalqaro loyihalarda isbotlab kelmoqda. Tizim 3,5 qavatning sirtini qoplashni hisobga olgan holda ishlab chiqilgan. Bu esa taxminan 14 metrni tashkil etadi va 140 kilometr soatgacha bo‘lgan shamol oqimining bosimiga bardosh bera olishlik qobiliyatini anglatadi. Shamoldan himoyalovchi ekranlar qurilish davom etish jarayonida gidravlik qurilmalar yoki an’anaviy minora krani yordamida ko‘tarilib boradi.
Shamoldan himoyalovchi ekranlar — bu metalldan gofrirovka qilingan panellar ko‘rinishidagi to‘siqlar. Monolit ramkani shakllantirish bo‘yicha ishlarning front qismini aynan ular atmosfera uchun tabiiy bo‘lgan shamol, yomg‘ir va qordan himoya qiladi. Ko‘pincha ekranlardan foydalanish maxsus harorat va namlik rejimining saqlanishi bilan bog‘liq bo‘lib, bu qurilish materiallarini to‘g‘ri qattiqlashishi va quritish jarayoniga, shuningdek, quruvchilar jamoasi a’zolarining qulayligi va xavfsizligi uchun zarurdir. Shuningdek, bu panellar qurilish materiallari yoki asboblarning qulashi xavfini oldini oladi, odamlarni va ko‘p qavatli binoga yaqin turgan hududlarni himoya qiladi.
Funksional va qulay xavfsizlik to‘siqlari qurilish uchun maqbul sharoitlarni yaratishga yordam beradi va shu bilan barcha ishlarning o‘z vaqtida bajarilishini ham ta’minlaydi.
Nest One osmono‘par binosi nafaqat poytaxtimizning markazida joylashgan ko‘p funksiyali majmuaning kelajakdagi aholisi uchun qulaylik va ishonchlilikdir, balki bugungi kunda uni yaratish ustida ishlayotganlar uchun ham qulaylik va xavfsizlikni anglatadi.
Agar siz O‘zbekistondagi birinchi osmono‘par bino qurilishi jarayonini o‘z ko‘zingiz bilan ko‘rishni istasangiz, havoladan foydalanib yakshanba kunlik ekskursiyalarga yozilishingiz yoki nestone.uz saytiga kirib, o‘rnatilgan videokameralar orqali real vaqt rejimida qurilish maydonchasining umumiy ko‘rinishini tomosha qilishingiz mumkin.
Yagona aloqa markazi: +99871 200 22 88
Savdo ofisi: Shayxontohur tumani, Olmazor ko‘chasi, 1a/1
Mo‘ljal: Lukoil Uzbekistan ofisi
Sayt: nestone.uz
Facebook: fb.com/nestone.uz
Instagram: nestone.uz
YouTube: youtube.com/c/nestoneuz
Reklama huquqi asosida.
Izoh (0)