Бутунжаҳон ёввойи табиат фонди (WWF) экологлари кроссовер ва йўлтанламаслар рекламасини тақиқлашни сўради. Фаоллар автомобиль ишлаб чиқарувчилар кроссоверларни табиат билан уйғун «соуси» остидаги тарғиб қилаётгани, бироқ Францияда SUV сегменти зарарли моддалар чиқариш бўйича иккинчи манба экани ҳақида ҳеч нима демаётганидан ғазабда, деб хабар беради Motor.
WWF’нинг француз бўлинмасининг баҳолашича, 2019 йилда автогигантларнинг реклама бюджетини 42 фоизи (1,8 миллиард евро) кроссовер ва йўлтанламасларни илгари суришга йўналтирилган. Ҳар куни эфир вақтининг 3 соатғу 50 дақиқаси йўлтанламасларнинг бошқа турдаги автомобиллардан устунлигини санашга сарфланади.
WWF’дагиларнинг ҳисоблашича, автомобиль ишлаб чиқарувчилар жамоатчилик фикрини манипуляция қилмоқда. Кроссовер ва йўлтанламаслар хавфсизлиги бўрттириб кўрсатилган, чунки АХА суғурта фирмасининг маълумотларига кўра, бу каби автомобиль рулида ЙТҲга учраш эҳтимоллиги 10 фоизга ошган. Фаол дам олиш ишқибозлари учун бўлган сабаб ҳам танқидга бардош бера олмаган — айнан кроссовер ва йўлтанламаслар атроф-муҳитни кўпроқ ифлослантиради.
Экологик фаоллар оғирлиги 1400 килограммдан ортиқ бўлган автомобиллар учун қўшимча солиқ жорий этиш таклифи билан чиққан, бироқ ҳукумат мазкур лимитни 1800 килограммгача чеклаган. Шу сабабли кўтарилган ставка Францияда сотилаётган енгил машиналарнинг икки фоизига тааллуқли халос.
Ҳозирда WWF оғир йўлтанламас ва кроссоверлар рекламасини чеклаш ҳамда келажак транспорт воситаси — енгил, тежакмор ва эколофик автомобилларни тарғиб қилувчи автомобиль ишлаб чиқарувчиларни рағбатлантиришни қонуний жиҳатдан белгиланишини таклиф қилмоқда
Изоҳ (0)