Хорватия терма жамоаси ЖЧ—2022 саралаши 2-тури доирасида Кипрни мағлубиятга учратди (1:0).
Хорватия ярим ҳимоячиси Лука Модрич ушбу баҳсда терма жамоадаги 135-ўйинини ўтказди ва ушбу кўрсаткич бўйича мамлакат рекордини ўрнатди.
Модрич бу борада собиқ ҳимоячи Дарио Срнани ортда қолдирди. Срнанинг ҳисобида 134 учрашув бор. Улардан кейинги ўринларда Стипе Плетикоса (114 ўйин), Иван Ракитич (106), Йосип Шимунич (105), Ивица Олич (104) ва Ведран Чорлука (103) каби ўйинчилар бормоқда.
35 ёшли Модрич Хорватия терма жамоаси сафида 2006 йилдан бери ҳаракат қилади. Шу вақт мобайнида у 16 бор рақиблар дарвозасини ишғол қилган.
Модрич «Реал» сафида 2020/21 йилги мавсум Ла Лигада 27 ўйин ўтказиб, 3 та гол ва 3 та голли узатма муаллифига айланди.
Мавзуга доир:
Изоҳ (0)