Ko‘plab mashhurlar millionlab dollarga teng bo‘lgan me’morchilik durdonalari hisoblangan uylarda yashaydi. Jennifer Lopes, Megan Markl va boshqa yulduzlarning hashamatli uylari haqida ma’lumot beramiz.
Kayli Jenner
Dunyodagi eng yosh milliarder 36,5 million dollarlik uyda yashaydi. Uning uyi Los-Anjelesning xushmanzara hududida joylashgan va ko‘chmas mulk saytida dam olish maskani sifatida namoyish etilgan. Kayli maydoni 1426 kvadrat metrga teng ushbu uyni juda katta miqdordagi pulga sotib olgan.
Zamonaviy dizayn asosida qurilgan uyda yashash uchun zarur bo‘lgan barcha narsalar mavjud: bir nechta uy teatrlari va hatto barlargacha. Bino o‘ziga xos dizaynga ega: har bir xona eshigi hovlidagi hovuzga olib chiqadi.
Mavzuga doir: Kayli Jenner garaji: Kosmetika imperiyasi malikasi qanday avtomobillarni xush ko‘radi? (foto)
Qirollik huquqlaridan voz kechganidan so‘ng Sasseks gersog va gersoginyasi Santa-Barbara yaqinidagi Monsesito shahriga ko‘chib o‘tishdi. Bu ularga 14,6 million dollarga tushdi. Turar joy 2003-yilda qurilgan bo‘lib, unda 9 ta yotoqxona va 16 ta yuvinish xonasi mavjud. Shuningdek, mehmonlar uchun alohida uy, basseyn, tennis korti va bolalar uchun o‘yin maydonchasi joylashgan.
Jennifer Lopes Kayli Jennernikidan ham qimmatroq qasrga egalik qiladi. Jennifer va uning qaylig‘i Aleks Rodrigesning Mayamida 40 million dollarga teng bo‘lgan uyi bor. Mazkur uy Biskeyn ko‘rfazidagi Star-Aylend sun’iy orolida joylashgan. Bu yerda ularga qo‘shni bo‘lib Shakil O’Nil, Paff Deddi va boshqa yulduzlar yashaydi.
Ushbu uy 10 ta yotoqxona, 12 ta yuvinish xonasi, vinoteka, kutubxona, keng mehmonxona va oshxonaga ega. Shuningdek, hududda mehmonlar uchun uy, basseyn, bog‘, favvora, ayvoncha va dam olish maskani mavjud.
Mavzuga doir: 51 yoshli Jennifer Lopes sarvqomat ko‘rinish uchun nimalardan voz kechgani haqida so‘zlab berdi
Bred Pitt bilan ajrashganidan so‘ng “Turist” filmida bosh rolni ijro etgan Anjelina Joli Los-Anjelesning obro‘li hududida yashaydi. Villa 1913-yilda qurilgan bo‘lib, Anjelina olti farzandi bilan yashaydigan ushbu hashamatli uyni 25 million dollarga sotib olgan.
Jolining uyi Los-Anjelesning ajoyib manzarasi ko‘rinib turadigan tepalikda joylashgan. Uyda 6 ta yotoqxona, 10 ta hammom, ovqatlanish xonasi va kutubxona bor. Shuningdek, mehmonlar uchun xona, sport zal, basseyn va garaj mavjud.
Kim Kardashyan
Kim va Kanyening Hidden-Hillsdagi uyini ta’mirlashga 3 yildan ortiq vaqt ketgan. Ular uyni 20 million dollarga sotib olib, ta’mirlash va jihozlashga yana 60 million dollar sarflagan. Uyda 10 ta yuvinish xonasi, 8 ta yotoqxona va kamin mavjud. Ammo binoning asosiy xususiyati Uestning o‘zi tomonidan ishlab chiqilgan minimalist dizaynga ega ekanligida. Ba’zilar ushbu uyni muzey bilan taqqoslaydi.
Izoh (0)