Кўплаб машҳурлар миллионлаб долларга тенг бўлган меъморчилик дурдоналари ҳисобланган уйларда яшайди. Женнифер Лопес, Меган Маркл ва бошқа юлдузларнинг ҳашаматли уйлари ҳақида маълумот берамиз.
Кайли Женнер
Дунёдаги энг ёш миллиардер 36,5 миллион долларлик уйда яшайди. Унинг уйи Лос-Анжелеснинг хушманзара ҳудудида жойлашган ва кўчмас мулк сайтида дам олиш маскани сифатида намойиш этилган. Кайли майдони 1426 квадрат метрга тенг ушбу уйни жуда катта миқдордаги пулга сотиб олган.
Замонавий дизайн асосида қурилган уйда яшаш учун зарур бўлган барча нарсалар мавжуд: бир нечта уй театрлари ва ҳатто барларгача. Бино ўзига хос дизайнга эга: ҳар бир хона эшиги ҳовлидаги ҳовузга олиб чиқади.
Мавзуга доир: Кайли Женнер гаражи: Косметика империяси маликаси қандай автомобилларни хуш кўради? (фото)
Қироллик ҳуқуқларидан воз кечганидан сўнг Сассекс герцог ва герцогиняси Санта-Барбара яқинидаги Монсесито шаҳрига кўчиб ўтишди. Бу уларга 14,6 миллион долларга тушди. Турар жой 2003 йилда қурилган бўлиб, унда 9 та ётоқхона ва 16 та ювиниш хонаси мавжуд. Шунингдек, меҳмонлар учун алоҳида уй, бассейн, теннис корти ва болалар учун ўйин майдончаси жойлашган.
Женнифер Лопес Кайли Женнерникидан ҳам қимматроқ қасрга эгалик қилади. Женнифер ва унинг қайлиғи Алекс Родригеснинг Майамида 40 миллион долларга тенг бўлган уйи бор. Мазкур уй Бискейн кўрфазидаги Стар-Айленд сунъий оролида жойлашган. Бу ерда уларга қўшни бўлиб Шакил O’Нил, Пафф Дедди ва бошқа юлдузлар яшайди.
Ушбу уй 10 та ётоқхона, 12 та ювиниш хонаси, винотека, кутубхона, кенг меҳмонхона ва ошхонага эга. Шунингдек, ҳудудда меҳмонлар учун уй, бассейн, боғ, фаввора, айвонча ва дам олиш маскани мавжуд.
Мавзуга доир: 51 ёшли Женнифер Лопес сарвқомат кўриниш учун нималардан воз кечгани ҳақида сўзлаб берди
Бред Питт билан ажрашганидан сўнг «Турист» фильмида бош ролни ижро этган Анжелина Жоли Лос-Анжелеснинг обрўли ҳудудида яшайди. Вилла 1913 йилда қурилган бўлиб, Анжелина олти фарзанди билан яшайдиган ушбу ҳашаматли уйни 25 миллион долларга сотиб олган.
Жолининг уйи Лос-Анжелеснинг ажойиб манзараси кўриниб турадиган тепаликда жойлашган. Уйда 6 та ётоқхона, 10 та ҳаммом, овқатланиш хонаси ва кутубхона бор. Шунингдек, меҳмонлар учун хона, спорт зал, бассейн ва гараж мавжуд.
Ким Кардашьян
Ким ва Каньенинг Ҳидден-Ҳиллсдаги уйини таъмирлашга 3 йилдан ортиқ вақт кетган. Улар уйни 20 миллион долларга сотиб олиб, таъмирлаш ва жиҳозлашга яна 60 миллион доллар сарфлаган. Уйда 10 та ювиниш хонаси, 8 та ётоқхона ва камин мавжуд. Аммо бинонинг асосий хусусияти Уэстнинг ўзи томонидан ишлаб чиқилган минималист дизайнга эга эканлигида. Баъзилар ушбу уйни музей билан таққослайди.
Изоҳ (0)