Gollivud yulduzi Anjelina Joli Buyuk Britaniyaning sobiq bosh vaziri Uinston Cherchill chizgan suratni Christie’s kim oshdi savdosida 11,5 million dollarga sotdi. Ushbu miqdor uning ishi uchun rekord daraja hisoblanadi, deb yozadi Esquire. Avvalroq aktrisaga sobiq turmush o‘rtog‘i Bred Bitt tomonidan sovg‘a qilingan asar 3,4 million dollarga baholangani haqida ma’lum qilingan.
Ikkinchi jahon urushi vaqtida yaratilgan Cherchillning yagona asarida Qutubiya masjidi minorasi tasvirlangan. Buyuk Britaniyaning bosh vaziri Cherchill uni 1943-yil AQSh prezidenti Franklin Ruzvelt bilan Marokashga qilgan sayohatidan ilhomlanib chizgan.
Xuddi shu yili Cherchill rasmni Ruzveltga sovg‘a qilgan, Amerika rahbari vafotidan keyin u o‘g‘li Elliotga o‘tdi, keyinchalik turli insonlar ham egalik qilgan. Ma’lumotlarga ko‘ra, 2011-yilda Bred Pitt asarni 2,95 million dollarga xarid qilgan va Joliga sovg‘a qilgan edi.
Mavzuga doir: