O‘zbekiston Prezidentining “Keksalar va nogironligi bo‘lgan shaxslarni ijtimoiy qo‘llab-quvvatlash, saxovat va muruvvat internat uylari tizimini yanada rivojlantirish to‘g‘risida”gi farmoni qabul qilindi. Bu haqda “Xalq so‘zi online” xabar qildi.
Keksalar va nogironligi bo‘lgan shaxslarni davlat tomonidan ijtimoiy qo‘llab-quvvatlash tizimini yanada takomillashtirish, ijtimoiy himoya va tibbiy-ijtimoiy yordamning zamonaviy mexanizmlarini amalga oshirishda yangi yondashuvlarni joriy etish maqsadida Sog‘liqni saqlash vazirligi huzuridagi Tibbiy-ijtimoiy xizmatlar agentligi va uning hududiy bo‘linmalari negizida O‘zbekiston Tibbiy-ijtimoiy xizmatlarni rivojlantirish agentligi va uning hududiy bo‘linmalari tashkil etiladi.
Belgilanishicha, agentlik keksalar, nogironligi bo‘lgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar ko‘rsatish sohasida vakolatli davlat boshqaruvi organi hisoblanadi.
Shuningdek, agentlik o‘z faoliyatida Vazirlar Mahkamasiga bo‘ysunadi va hisobot beradi.
Agentlik direktori va uning o‘rinbosarlari O‘zbekiston Prezidenti bilan kelishilgan holda Vazirlar Mahkamasi tomonidan lavozimga tayinlanadi va lavozimdan ozod etiladi.
Bundan avval O‘zbekistonda Zo‘rlik hamda o‘z joniga qasd qilishning oldini olish markazi, Qashqadaryo va Surxondaryoda Pedagogika institutlari hamda O‘zbekistonda firmalarga davlat tilida nom berish xizmati tashkil etilishi haqida xabar berilgandi.
Izoh (0)