“Real” Mbappe va Holandni xarid qila olmasa jamoaga kimni olib kelishi ma’lum bo‘ldi

Madridning “Real” klubi “Tottenhem” hujumchisi Harri Keynni sotib olish varianti ustida ishlamoqda.

Madridliklar klubi PSJ forvardi Kilian Mbappe va “Borussiya D” hujumchisi Erling Holand transferlarini amalga oshira olmasa e’tiborini angliyalik futbolchini sotib olishga qaratadi.

Keyn bilan muzokaralar jarayoni qiyin kechmasligi va unga ko‘p mablag‘ sarf bo‘lmasligi kutilmoqda. Sabab muzokaralar vositachilarsiz o‘tadi, xaridor hujumchining akasi Charli bilan kelisha olsa bas. Shu tufayli transfer ancha arzonga tushishi mumkin.

Shuningdek, transfer kelishuviga “Tottenhem”da ijara asosida to‘p surayotgan Garet Beyl ham qo‘shilishi mumkin, deya xabar qilmoqda Cadena SER.

27 yoshli futbolchi Premyer Ligasi 2020/21-yilgi mavsumida 27 o‘yin o‘tkazib, 17 gol va 13 ta golli uzatma muallifiga aylandi.