Мадриднинг «Реал» клуби «Тоттенҳэм» ҳужумчиси Ҳарри Кейнни сотиб олиш варианти устида ишламоқда.
Мадридликлар клуби ПСЖ форварди Килиан Мбаппе ва «Боруссия Д» ҳужумчиси Эрлинг Ҳоланд трансферларини амалга ошира олмаса эътиборини англиялик футболчини сотиб олишга қаратади.
Кейн билан музокаралар жараёни қийин кечмаслиги ва унга кўп маблағ сарф бўлмаслиги кутилмоқда. Сабаб музокаралар воситачиларсиз ўтади, харидор ҳужумчининг акаси Чарли билан келиша олса бас. Шу туфайли трансфер анча арзонга тушиши мумкин.
Шунингдек, трансфер келишувига «Тоттенҳэм»да ижара асосида тўп сураётган Гарет Бэйл ҳам қўшилиши мумкин, дея хабар қилмоқда Cadena SER.
27 ёшли футболчи Премьер Лигаси 2020/21 йилги мавсумида 27 ўйин ўтказиб, 17 гол ва 13 та голли узатма муаллифига айланди.
Аввалроқ Кейн «шпорлар» сафини тарк этмоқчи экани ва «Тоттенҳэм» уни 120 миллион еврога баҳолаётгани хабар қилинганди.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)