FCF-MMA’ning ikki karra chempioni Alan Hadziyev 23-mart kuni Shimoliy Osetiyaning Mozdok shahrida 31 yoshida halok bo‘ldi.
Xabar qilinishicha, mahalliy restoranlarning birida ommaviy mushtlashuv yuzaga kelgan. Hadziyev o‘zaro nizolashayotgan guruhlarni ajratmoqchi bo‘lgan va buning natijasida fojiali o‘lim topgan.
Ta’kidlanishicha, mahalliy tadbirkor deb aytilayotgan kishi yakkakurashchiga pichoq urgan. Voqeaga guvoh bo‘lgan Hadziyevning ukasi tadbirkorni pichoqlagan. Natijada ularning har ikkisi jarohatlar natijasida vafot etgan. Yana bir kishi jonlantirish bo‘limiga tushib qolgani aytilmoqda.
Izoh (0)