Дунёнинг турли бурчакларида 23 март куни олинган энг қизиқарли суратларни намойиш этамиз.
Сараево шаҳрида кабутарларни озиқлантираётган эркак. Босния ва Герцеговина пойтахтида коронавирус туфайли тунда комендантлик соати жорий этилди ва яна ресторанлар ёпилди. Фото: EPA
Швеция пойтахти Стокгольмда фигурали учиш бўйича Жаҳон чемпионатида қатнашаётган хитойлик жуфтлик. Фото: АП
Extinction Rebellion ва Friends of the Earth экофаолларнинг Мадрид фонд биржаси яқинидаги норозилик акцияси. Фото: Shutterstock
АҚШнинг Колорадо штати Боулдер шаҳридаги супермаркетда юз берган отишмадан сўнг харидорлар эвакуация қилинмоқда. Ҳодиса оқибатида 10 киши ҳалок бўлган. Жиноятчи яраланган ва полиция томонидан қўлга олинган. Жиноят сабаби ҳозирча номаълум. Фото: Getty Images
Исландиянинг Рейкянес яриморолидаги вулқондан оқаётган лава. Фото: Reuters
Нью-Йоркда ўт ўчирувчилар дарахтга илиниб қолган Дилан лақабли каталин арасини қутқармоқда. Қушнинг эгаси уни ветеринарияга олиб борганида қочиб кетган. Фото: Reuters
Бангладешда роҳинжа мусулмонлари яшовчи лагерда ёнғин содир бўлди. Қурбонлар бор. Фото: EPA
Тошкент шаҳри, Мирзо Улуғбек туманидаги марказий кўчалардан бири саналган Махтумқули кўчаси бўйида ўсиб ётган момақаймоқлар. Жума куни ёғиб ўтган ёмғирдан сўнг улар янада кўпайди. Фото: «Дарё» / Мадина Нурман
Чехия пойтахтида тиббиёт ходимлари меҳмонхонада коронавирусдан даволанаётганлар олдига кирмоқда. Прага шаҳри мерияси уйсизларни COVID-19 дан даволаш учун меҳмонхонани ижарага олган. Фото: Reuters
Британиянинг Бристол шаҳрида полиция тўғрисидаги янги қонун лойиҳасига қарши норозилик акцияси вақтида ёнаётган полиция машинаси олдида скейтборд учаётган намойишчи. Фото: Reuters
Австралиянинг Янги Жанубий Уэльс штатидаги сув тошқинлари оқибати. Фото: Reuters
Ирландия парламенти йиғилишлари ўтказиладиган Дублиндаги Ленстер-Хаус яқинида норозилик акцияси ўтказаётган Extinction Rebellion экологик ҳаракати фаоллари. Фото: Shutterstock
Жанубий Корея президенти Мун Чже Ин ва унинг рафиқаси коронавирусга қарши AstraZeneca вакцинаси билан эмланди. Фото: Global Times
Дана Макгрегор (чапда) ва унинг Писмо лақабли эчкиси болалар ҳамроҳлигида Калифорниянинг Сан-Клементе шаҳрида сёрфинг билан шуғулланмоқда Фото: Reuters
Суриянинг шимоли-ғарбида жойлашган қочоқлар лагерларида яшовчи болаларга масхарабоз кийимида томоша кўрсатаётган суриялик ҳажвчи Фирас ал-Аҳмад. Фото: Getty Images
Мьянманинг Янгон шаҳрида ҳарбий тўнтаришга қарши намойишлар вақтида отиб ўлдирилган Тет Пайнг Сонинг дафн маросимида йиғлаётган одамлар. Фото: Reuters
Тель-Авивдаги шифохонада коронавирусдан даволанаётган Раиф Лало парламент сайловларида овоз бермоқда. Исроилда икки йилдан камроқ муддат ичида тўртинчи марта парламент сайловлари ўтказилмоқда. Фото: AP Photo
Берлинда фермерлар ҳашаротлардан ҳимоя қилиш тўғрисидаги қонун лойиҳасига қарши митинг ўтказди. Фото: DPA
Конго Республикаси президентлигига мухолиф номзод Ги-Брис Парфе Колела коронавирус оқибатида вафот этганидан сўнг Инсонпарвар демократлар иттифоқи офиси олдида йиғлаётган аёллар. Колела 21 мартдаги сайловларда 7,84 фоиз овоз тўплади. Сиёсатчи 22 март куни даволаниш учун Францияга самолётда олиб кетилаётганда вафот этди. Сайловларда эса мамлакатни 37 йил давомида бошқарган 77 ёшли Дени Сассу-Нгессо ғалаба қозонди. Фото: Reuters
Боулдер шаҳри полицияси бошлиғи Марис Ҳеролд супермаркетда юз берган отишмада жиноятчи томонидан ўлдирилган офицер Эрик Телли хотирасига ҳурмат кўрсатмоқда. Фото: Reuters
Коронавирус оқибатида вафот этган биринчи чехиялик беморнинг ўлимига 1 йил тўлгани муносабати билан минглаб хочлар чизилган Прагадаги майдон бўйлаб юриб кетаётган аёл. Фото: Reuters
Чорсу бозоридаги савдо расталари орасида ўйнаб юрган мушук. Фото: Арсен Фазилдзянов / «Молодая фотография Узбекистана»
Изоҳ (0)