Tailandlik erkak internet-do‘kon orqali iPhone 7 buyurtma qilib, o‘rniga smartfon ko‘rinishida ishlangan stolga ega bo‘ldi, deb yozadi Esquire.
Buyurtma yetib kelgach, erkak quti ichida “pushti oltin” rangida ishlangan iPhone’ning stol ko‘rinishidagi nusxasi borligini ko‘rgan. Ishlab chiqaruvchi telefonning tashqi detallarini saqlab qolgan: ekran, “uyga” tugmasi, dinamik va kamera.
Bu kabi stollarni Janubiy Koreyaning Your10x10 kompaniyasi ham ishlab chiqaradi. “Ayfon”ning yon paneliga SIM-karta sloti o‘rniga g‘aladon joylashtirilgan. Bu kabi stolni 310 ming vonga (275 AQSh dollar) xarid qilish mumkin.
Avvalroq yangi iPhone’ga buyurtma bergan ayolning uyiga telefon o‘rniga olmali yogurt kelgani to‘g‘risida xabar berilgandi.
Izoh (0)