Kelvin laqabli mushukning egasi Jessika o‘zining uy hayvoni har kuni qayerga ketib qolayotganini kunlarning birida mushuk bo‘yinbog‘ida xat bilan kelganidan so‘ng tushunib yetdi, deb xabar beradi Esquire.
“Salom! Yangi havorang bo‘yinbog‘imda juda yaxshi ko‘rinaman — haqiqiy ayg‘ir! Ismim nima? Har kuni tashrif buyuradigan xonim, mening ismim Jorj”, — deyiladi xatda.
Jessika bunga javoban “meksikalik-mushuk”ning haqiqiy laqabi yozilgan xatni yuborgan, shuningdek, uni Babbls deb chaqirishsa ham yetib kelishini aytgan. Ma’lum bo‘lishicha, Kelvin har kuni Feliks laqabli qora mushukning oldiga borgan, uning egasini ismi esa Robin.
Kelvinning egasi mushukni uyga o‘rgatishga urinadi, shu sababli u ko‘chaga chiqmagan paytlari deraza oldida Feliksni kutadi. Uydan qochib chiqishga muvaffaq bo‘lganida esa qo‘shni Jessikaga qo‘ng‘iroq qilib, mushugini olib ketishini so‘raydi.
Jessika Kelvin zerikmasligi uchun Prieto laqabli yana bir qora mushukni uyga olib kelgan. Suratlardan ko‘rish mumkinki, ular do‘stlashib olishga ulgurgan.
Avvalroq Angliyada pochtalyon mushuk o‘z egalariga karantin mazmunli o‘tishini ta’minlagani — u qo‘shnilarni do‘stlashtirib qo‘yib, turli tavsiya va retseptlarni tashigani to‘g‘risida xabar berilgandi.
Izoh (0)