Таиландлик эркак интернет-дўкон орқали iPhone 7 буюртма қилиб, ўрнига смартфон кўринишида ишланган столга эга бўлди, деб ёзади Esquire.
Эркак товар ҳақидаги маълумотни ўқимаганини ва «айфон»ни уй учун мебеллар саҳифасидан танлаганини, кичик қутини етказиб бериш бу қадар қиммат бўлиши ғалати кўринганини тан олган.
Буюртма етиб келгач, эркак қути ичида «пушти олтин» рангида ишланган iPhone’нинг стол кўринишидаги нусхаси борлигини кўрган. Ишлаб чиқарувчи телефоннинг ташқи деталларини сақлаб қолган: экран, «уйга» тугмаси, динамик ва камера.
Бу каби столларни Жанубий Кореянинг Your10x10 компанияси ҳам ишлаб чиқаради. «Айфон»нинг ён панелига SIM-карта слоти ўрнига ғаладон жойлаштирилган. Бу каби столни 310 минг вонга (275 АҚШ доллар) харид қилиш мумкин.
Аввалроқ янги iPhone’га буюртма берган аёлнинг уйига телефон ўрнига олмали йогурт келгани тўғрисида хабар берилганди.
Изоҳ (0)