Qashqadaryo viloyati Chiroqchi tumanida Nexia haydovchisi asfalt yo‘lning o‘rtasida yotgan mast erkakni bosib ketdi. Bu haqda IIV YHXBB axborot xizmati xabar berdi.
Ma’lum qilinishicha, 18-mart kuni Chiroqchi tumani “Bahoriston” qishlog‘i hududidan o‘tuvchi 4P-84 avtomobil yo‘lining 41-kilometrida Nexia-2 haydovchisi o‘zi bilan bir yo‘nalishda harakatlanib ketayotgan piyodani urib yuborgan. Jabrlanuvchi olgan tan jarohati oqibatida voqea joyida vafot etgan.
“So‘liq qishlog‘i yo‘nalishida ketayotganimda oldimdan bir mashina ‘povorotnigi’ni yoqib o‘tib ketdi. Bir mast kishi asfaltning o‘rtasida yotgan ekan. Mashina yotgan erkakning ustidan o‘tib ketdi”, — deydi haydovchi.
Holat yuzasidan Chiroqchi tuman IIO FMB Tergov bo‘limi tomonidan tergovga qadar surishtiruv ishlari olib borilmoqda.
Avvalroq Qoraqalpog‘istonda “UAZ”ning mast haydovchisi YPX xodimini urib ketishi oqibatida jabrlanuvchi shifoxonada vafot etgani, Navoiyda yo‘lning belgilanmagan qismidan kesib o‘tgan mast piyodani Nexia urib yuborgani to‘g‘risida xabar berilgandi.
Izoh (0)