Moskvada 13 yil garajda harakatsiz saqlangan “VAZ-2107” sotuvga qo‘yildi. Odometrida 400 kilometr masofa bosgani ko‘rsatilgan sedan ideal holatda saqlangan bo‘lib, sotuvchi uning uchun 1 million rubl (13,5 ming dollar) so‘ramoqda, deb xabar beradi Motor.
E’londagi mashina raqamida ko‘rsatilgan 174 soni uning Chelyabinskda minilganidan dalolat bersa-da, “VAZ-2107” Moskvada sotuvga qo‘yilgan. Avtomobilga hozirga qadar ikki kishi egalik qilgan: birinchi bor sedan 2008-yilning aprelida hisobga olingan va uning hozirgi egasi mashinani 2010-yil iyuldan beri saqlab keladi.
Mashina kuzovidagi zavod markirovkalari va salondagi qora sellofan qoplamalar uning minimal darajada minilganidan dalolat berishi mumkin. Sotuvchi avtomobilning yurish qismi va odometri suratlari bilan bo‘lishmagan.
Sotuvga qo‘yilgan nusxa kechroq ishlab chiqarilgan model bo‘lganligi sabab uning kapoti ostidan 74 ot kuchiga ega “VAZ-21067”ning 1,6 litrli 8 klapanga ega injektor dvigateli o‘rin olgan. Uzatmalar qutisi — besh pog‘onali mexanik. Sedanning boshqa hech qanday o‘ziga xos opsiyalari yo‘q.
Avvalroq Rossiyada sakkiz yil davomida restavratsiya qilingan 55 yillik “Volga”, 41 yillik “ZIL” limuzini BMW 7-Series Long narxida sotuvga qo‘yilgani to‘g‘risida xabar berilgandi.
Izoh (0)