Қашқадарё вилояти Чироқчи туманида Nexia ҳайдовчиси асфальт йўлнинг ўртасида ётган маст эркакни босиб кетди. Бу ҳақда ИИВ ЙҲХББ ахборот хизмати хабар берди.
Маълум қилинишича, 18 март куни Чироқчи тумани «Баҳористон» қишлоғи ҳудудидан ўтувчи 4P-84 автомобиль йўлининг 41-километрида Nexia-2 ҳайдовчиси ўзи билан бир йўналишда ҳаракатланиб кетаётган пиёдани уриб юборган. Жабрланувчи олган тан жароҳати оқибатида воқеа жойида вафот этган.
«Сўлиқ қишлоғи йўналишида кетаётганимда олдимдан бир машина ‘поворотниги’ни ёқиб ўтиб кетди. Бир маст киши асфальтнинг ўртасида ётган экан. Машина ётган эркакнинг устидан ўтиб кетди», — дейди ҳайдовчи.
Ҳолат юзасидан Чироқчи туман ИИО ФМБ Тергов бўлими томонидан терговга қадар суриштирув ишлари олиб борилмоқда.
Аввалроқ Қорақалпоғистонда «УАЗ»нинг маст ҳайдовчиси ЙПХ ходимини уриб кетиши оқибатида жабрланувчи шифохонада вафот этгани, Навоийда йўлнинг белгиланмаган қисмидан кесиб ўтган маст пиёдани Nexia уриб юборгани тўғрисида хабар берилганди.
Изоҳ (0)