Andijonda 3 ta Lacetti va Labo ishtirokida YTH sodir bo‘ldi (video)

Andijon shahrida 4 ta avtomobil ishtirokida yo‘l-transport hodisasi sodir bo‘ldi, deya xabar qilmoqda YHXBB.

Ma’lum qilinishicha, 2021-yilning 23-mart kuni soat 11:30 larda Andijon shahar Yangi O‘sh ko‘chasida joylashgan “Rohat avtoservis” binosi qarshisida haydovchi, 1978-yilda tug‘ilgan M.M. boshqaruvidagi Lacetti, 1989-yilda tug‘ilgan J.X. boshqaruvidagi Lacetti, 1990-yilda tug‘ilgan K.M. boshqaruvidagi Labo, 1994-yilda tug‘ilgan M.E. boshqaruvidagi yana bir Lacetti ishtirokida to‘qnashuv sodir bo‘lgan.

YTH oqibatida Labo rusumli avtomobil haydovchisi K.M.ga birinchi tez tibbiy yordam ko‘rsatilgan.

Mazkur YTH yuzasidan Andijon shahar IIO FMB YHXB tomonidan surishtiruv ishlari olib borilib, to‘qnashuv yuzaga kelish sabablariga aniqlik kiritilmoqda.

Bundan tashqari ijtimoiy tarmoqda tarqalgan YTH videosida Malibu rusumli avtomobil ham ushbu voqeada ishtirok etgani aytilgan.

Bundan avval Farg‘onada “benzovoz” va Cobalt ishtirokida yo‘l-transport hodisasi sodir bo‘lgani, Qarshida yo‘lni kesib o‘tayotgan bolalar Lacetti ostida qolgani hamda Chiroqchida Nexia haydovchisi yo‘lning o‘rtasida yotgan mast erkakni bosib ketgani haqida xabar berilgandi.