Андижон шаҳрида 4 та автомобиль иштирокида йўл-транспорт ҳодисаси содир бўлди, дея хабар қилмоқда ЙҲХББ.
Маълум қилинишича, 2021 йилнинг 23 март куни соат 11:30 ларда Андижон шаҳар Янги Ўш кўчасида жойлашган «Роҳат автосервис» биноси қаршисида ҳайдовчи, 1978 йилда туғилган М.М. бошқарувидаги Lacetti, 1989 йилда туғилган Ж.Х. бошқарувидаги Lacetti, 1990 йилда туғилган К.М. бошқарувидаги Labo, 1994 йилда туғилган М.Э. бошқарувидаги яна бир Lacetti иштирокида тўқнашув содир бўлган.
ЙТҲ оқибатида Labo русумли автомобиль ҳайдовчиси К.М.га биринчи тез тиббий ёрдам кўрсатилган.
Мазкур ЙТҲ юзасидан Андижон шаҳар ИИО ФМБ ЙҲХБ томонидан суриштирув ишлари олиб борилиб, тўқнашув юзага келиш сабабларига аниқлик киритилмоқда.
Бундан ташқари ижтимоий тармоқда тарқалган ЙТҲ видеосида Malibu русумли автомобиль ҳам ушбу воқеада иштирок этгани айтилган.
Бундан аввал Фарғонада «бензовоз» ва Cobalt иштирокида йўл-транспорт ҳодисаси содир бўлгани, Қаршида йўлни кесиб ўтаётган болалар Lacetti остида қолгани ҳамда Чироқчида Nexia ҳайдовчиси йўлнинг ўртасида ётган маст эркакни босиб кетгани ҳақида хабар берилганди.
Изоҳ (0)