Madridning “Atletiko” klubi hujumchisi Luis Suares La Liga doirasida “Alaves”ga qarshi kechgan 21-mart kungi o‘yinda (1:0) gol urishga muvaffaq bo‘ldi.
Bu 34 yoshli futbolchi faoliyatidagi 500-gol bo‘ldi.
Suares faoliyati davomida “Barselona” safida 198 ta, “Ayaks”da 111 ta, “Liverpul”da 82 ta, Urugvay terma jamoasida 63 ta, “Atletiko”da 19 ta, “Groningen”da 15 ta va “Nasional”da 12 ta gol urgan.
Shu tariqa Suares faoliyatini top-5 ligalarda davom ettirayotgan futbolchilar orasida 500 gollik dovonni zabt etgan 5-o‘yinchi bo‘ldi. Ayni vaqtda Krishtianu Ronaldu (770 ta gol), Lionel Messi (732), Zlatan Ibragimovich (546) va Robert Levandovski (516) mazkur ko‘rsatkichni qayd eta olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)