“Barselona” La Liga 28-turi doirasida kechgan 21-mart kungi o‘yinda “Real Sosyedad”ni yirik hisobda (6:1) mag‘lub etdi.
Bu katalonlar hujumchisi Lionel Messi uchun “Barselona” safidagi 768-o‘yin bo‘ldi. Argentinalik futbolchi jamoa sobiq yarim himoyachisi Xavini (767 o‘yin) ortda qoldirgan holda klub tarixida eng ko‘p o‘yin o‘tkazgan futbolchiga aylandi.
Messi 2000-yilda klub akademiyasiga kelib qo‘shilgan, 2004-yilda esa bosh jamoada debyut qilgan. U “Barsa” safida 34 ta sovringa ega chiqib, olti bor “Oltin to‘p”ni qo‘lga kiritgan.
Messi “Barselona” safida barcha musobaqalar doirasida 663 ta gol urib (klub tarixidagi eng yaxshi natija), 264 ta golli uzatma muallifiga aylangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)