Yengil vazn toifasida UFC sobiq chempioni Habib Nurmagomedov faoliyatini to‘xtatganiga nimalar sabab bo‘lgani haqida yana bir bor fikr bildirdi.
Kuchga to‘la vaqtingda, dunyoning eng yaxshi sportchisi bo‘lib turganingda, mashhurlikka erishganingda va puling ko‘p vaqtida ketish juda og‘ir.Rossiyalik yakkakurashchi 2020-yilning oktabrida Jastin Getjiga qarshi jang olib bordi va raqibini ikkinchi raundda muddatidan avval taslim etdi. Mazkur jangdan keyin Habib faoliyatini yakunlashini ma’lum qildi. Avvalroq UFC prezidenti Deyna Uayt Habib oktagonga ortiq qaytmasligini rasman ma’lum qildi.Juda og‘ir. Balki, odamlar meni hech qachon tushuna olmas, biroq umid qilamanki, ular mening qarorimni qo‘llab-quvvatlaydi.
To‘xtashim kerakligini his qildim. Yana nima qilishim kerak edi?
Bu sportda kim ekanimni ko‘rsatib qo‘ydim. Eng yaxshiga aylandim, jahon chempioni bo‘ldim, umumiy reyting yetakchisiga aylandim. Kamarimni uch marta himoya qildim, UFC tarixidagi eng ulkan jangda g‘alaba qozondim. Yana nima?
Faqat pul. Faqat pullik janglar, biroq menga pullik janglar kerak emas. Endi o‘zimni qanday kuchga ega ekanimni odamlarga ko‘rsatishim shart emas.
Bu sport turida hamma narsaga ega chiqdim, bu yerda qiladigan ishim qolmaganini sezdim.
Habib Nurmagomedov, UFC jangchisi
Mavzuga doir:
- Habib Nurmagomedov: “Meni musulmon kishi sifatida boshqalarga o‘rnak qilib ko‘rsatishlarini xohlamayman”
- Habib Nurmagomedov: “Qasam ichaman, men hech qachon Toni Fergyusonni top-jangchi sanamaganman”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)