Луис Суарес фаолиятидаги 500-голни урди. Айни вақтда тўп сураётган футболчилардан фақат 4 нафари бу натижага эриша олган

Мадриднинг «Атлетико» клуби ҳужумчиси Луис Суарес Ла Лига доирасида «Алавес»га қарши кечган 21 март кунги ўйинда (1:0) гол уришга муваффақ бўлди.

Бу 34 ёшли футболчи фаолиятидаги 500-гол бўлди.

Суарес фаолияти давомида «Барселона» сафида 198 та, «Аякс»да 111 та, «Ливерпуль»да 82 та, Уругвай терма жамоасида 63 та, «Атлетико»да 19 та, «Гронинген»да 15 та ва «Насионал»да 12 та гол урган.

Шу тариқа Суарес фаолиятини топ-5 лигаларда давом эттираётган футболчилар орасида 500 голлик довонни забт этган 5-ўйинчи бўлди. Айни вақтда Криштиану Роналду (770 та гол), Лионель Месси (732), Златан Ибрагимович (546) ва Роберт Левандовски (516) мазкур кўрсаткични қайд эта олган.