Yevrokomissiya vakili Dana Spinant Yevropada koronavirusning uchinchi to‘lqini boshlanganini aytdi, deb xabar bermoqda “Korrespondent.net”.
“Biz Yevropaning turli davlatlarida koronavirusning bosqichma-bosqich yoki undan ham tezroq yaqinlashayotgan uchinchi to‘lqinini ko‘ryapmiz. Juda murakkab davr boshlanyapti, bunday vaziyatda iqtisodiyotimiz jiddiy zarar ko‘radi. Aholini emlashni tezlashtirish zarur”, — deb ta’kidladi Spinant.
Uning aytishicha, Yevroittifoq 70 foiz aholini emlashni rejalashtirgan.
Germaniya sog‘liqni saqlash vaziri Yens Shpanning aytishicha, “pandemiyaning uchinchi to‘lqinini to‘xtatish uchun Yevropada yetarlicha vaksina mavjud emas”.
Avvalroq odamlar ehtiyot choralariga amal qilmasa, COVID-19 pandemiyasining uchinchi to‘lqini yuz berishi mumkin, deya ogohlantirgan edi Jahon sog‘liqni saqlash tashkilotining (JSST) Rossiyadagi vakili Melita Vuynovich.
Avvalroq Qirg‘izistonda poytaxti Bishkek shahar meriyasi koronavirus bilan kasallanish soni ko‘paygani sababli har yili an’anaviy tarzda nishonlanadigan Navro‘z bayramini bekor qilishi va Qozog‘istonda koronavirus bilan bog‘liq vaziyat yomonlashib, karantin kuchaytirilgani hamda vaksinatsiya kengaytirilayotgani haqida xabar berildi.
Izoh (0)