Gibraltar koronavirusga qarshi vaksinatsiyani tugallagan dunyodagi birinchi davlatga aylandi. Bu haqda Buyuk Britaniya sog‘liqni saqlash vaziri Mett Xenkok ma’lum qildi, deb yozadi “Korrespondent.net”.
“Biz Gibraltarni, boshqa barcha hududlarimiz singari, vaksinalar bilan ta’minlaymiz. Men parlamentga Gibraltar voyaga yetgan aholi uchun vaksinatsiya dasturini yakunlagan dunyodagi birinchi mamlakat bo‘lgani haqida xabar berishdan xursandman”, — dedi sog‘liqni saqlash vaziri.
The Wahington Post nashrining ma’lum qilishicha, “Vatikan ham bu nomga da’vogarlik qilyapti”. Shuningdek, Gibraltar aholisi ko‘p bo‘lmagan mamlakat, bu esa vaksinatsiyani tezroq yakunlashga yordam bergan. Bundan tashqari, davlat Buyuk Britaniyaning suvereniteti bo‘lgani uchun vaksinani osonlikcha qo‘lga kiritdi.
Ispaniya bilan bahslarga sabab bo‘lib kelayotgan, Buyuk Britaniyaning dengizorti hududi hisoblangan Gibraltar aholisi taxminan 34 ming kishini tashkil qiladi. U yerda yashovchi chet elliklar ham emlash dasturida qatnashish huquqiga ega.
Shuningdek, Buyuk Britaniyada ham emlash jarayoni sezilarli darajada oldinga siljigan, u yerda voyaga yetganlarning deyarli yarmi vaksina olgan.
Ma’lumot uchun, Isroil koronavirusni yengib o‘tganini e’lon qilgan edi. Mamlakat hukumati mart oyining oxiriga qadar barcha yoshi kattalarni COVID-19’ga qarshi emlashni rejalashtirmoqda.
Avvalroq dunyo bo‘yicha aholini koronavirusga qarshi emlash uchun keng ko‘lamdagi ishlar davom etayotgani va bu jarayon 132 ta davlatda olib borilayotgani hamda hozirgacha 400 milliondan ortiq vaksina ishlatilgani haqida xabar berildi. Oxirgi ko‘rsatkichga ko‘ra, bir kun davomida jami 9,64 million doza vaksina qilingan.
Xitoy hukumati esa favqulodda vaziyatlarda foydalanish uchun koronavirusga qarshi to‘rtinchi vaksinasini tasdiqladi.
Mavzuga doir:
Izoh (0)