Rossiya prezidenti Vladimir Putin AQSh davlat rahbari Jo Baydenga to‘g‘ridan to‘g‘ri efir orqali muloqot qilishni taklif etdi. Bu haqda “RIA Novosti” xabar berdi.
“Ayni vaqtda bir narsa haqida o‘ylayapman. O‘tgan safar telefon orqali suhbatlashish tashabbusi Baydendan chiqqandi. Endi prezident Baydenga o‘z muloqot taklifimizni aytmoqchiman, men u bilan to‘g‘ridan to‘g‘ri efirda, onlayn formatda suhbat qilmoqchiman. Hech qanday tanaffuslarsiz, ochiq va to‘g‘ridan to‘g‘ri muloqot qilamiz. Menimcha, bu Rossiya xalqi uchun ham, AQSh fuqarolari uchun ham, boshqa davlatlarda yashovchi odamlar uchun ham qiziq suhbat bo‘ladi”, — degan Putin.
Shuningdek, Rossiya prezidenti mamlakat Tashqi ishlar vazirligiga mazkur masalani o‘rganib chiqish yuzasidan topshiriq bergan.
Jo Bayden 17-mart kuni jurnalistning “Putinni qotil deb hisoblaysizmi?”, deya bergan savoliga “Ha”, deya javob qilgandi. Ushbu hodisadan keyin Rossiya o‘z elchisini masalahatlashuvlar uchun Vashingtondan chaqirtirib oldi. Rossiya prezidentining matbuot kotibi Dmitriy Peskov ham AQSh prezidenti Jo Baydenning Vladimir Putin haqidagi bayonotlarini “juda yomon” deb hisoblashini ma’lum qilgan.18-mart kuni Putin Baydenning mazkur bayonotiga javoban unga mustahkam sog‘liq tilagan. Putin bolalar uchun aytiladigan hazilni ham eslagan va “Kim kimnidir yomonlasa, o‘sha fikrga aslida o‘zi munosib” mazmunidagi jumlani misol qilib keltirgan.
Izoh (0)