Prezident Shavkat Mirziyoyev “Yuqori likvidli va monopol tovarlarni sotish jarayonlariga bozor mexanizmlarini joriy etishni davom ettirish chora-tadbirlari to‘g‘risida”gi qarorni imzoladi, deb xabar beradi O‘zA.
Qarorga ko‘ra, 2021 yil 15-iyundan boshlab qator tovarlar ichki bozorda faqat birja savdolari orqali bozor tamoyillari asosida realizatsiya qilinadi.
Xususan, davlat ishtirokidagi monopol kompaniyalar va tashkilotlar quyidagicha sotadi:
- polivinilxlorid (PVX) va formalin — barcha xaridorlarga;
- iste’mol etil spirti — tashkiliy-huquqiy shaklidan qat’i nazar, tegishli litsenziya va muvofiqlik sertifikatlariga ega bo‘lgan ishlab chiqaruvchilarga;
- texnik etil spirti — barcha xaridorlarga;
- kumush — zargarlik buyumlari ishlab chiqaruvchilarga.
- sement — ishlab chiqarish hajmining kamida 50 foizi;
- paxtadan olingan chigit, paxta moyi (jumladan, ekstraksiya paxta moyi) va qayta ishlangan chigit chiqindilari (shrot, sheluxa) — ishlab chiqarish hajmining 100 foizi;
- tashkiliy-huquqiy shaklidan qat’i nazar, qazib oluvchi (gazni qayta ishlovchi, ishlab chiqaruvchi) tashkilotlar tomonidan neft va gaz kondensati — tegishli litsenziya va muvofiqlik sertifikatlariga ega bo‘lgan ishlab chiqaruvchilarga.
Avvalroq O‘zbekistonga sementni olib kirishda bojxona bojining nol stavkasi qo‘llanilishi to‘g‘risida xabar berilgandi.
Izoh (0)