AQShda bir nechta yirik Twitter akkauntlarini buzib kirgan o‘smir voyaga yetmaganlar koloniyasida uch yillik qamoq jazosiga hukm qilindi. Bu haqda Daily Mail xabar berdi.
Shuningdek, qonunbuzar Apple va Uber kompaniyalariga tegishli profillarni buzib kirgan. Barcha buzilgan akkauntlarni to‘plash orqali Klark ularning nomidan boshqa foydalanuvchilarga raqamli valyutadagi mablag‘larini ikki barobar ko‘paytirishga va’da beradigan taniqli firibgarlar sxemasini e’lon qilishni boshladi.
Tekshiruv natijalariga ko‘ra, o‘spirin qiymati 180 ming dollardan ortiq bo‘lgan bitkoinlarni olishga muvaffaq bo‘lganidan keyin tizim fosh bo‘ldi va yopib qo‘yildi.
Florida prokuraturasi o‘smirga nisbatan 30 ta ish qo‘zg‘atdi. Jinoyat sodir etgan paytda Klark 17 yoshda edi, bu jazoni biroz yumshatishga yordam berdi. Aslida, ushbu moddada 10 yillik qamoq jazosi ko‘zda tutilgan. Lekin Klark faqat uch yilga qamaldi. Qamoqxonadan tashqari o‘spirin o‘zining barcha akkauntlari haqida ma’lumotlarni rasmiylashtirishi kerak, shuningdek, Klark faqat nazorat ostida kompyuterdan foydalanishi mumkin.
Twitter ushbu kiberhujum yuzasidan ichki tekshiruv o‘tkazdi va xakerlar telefon orqali firibgarlik usulini qo‘llaganini aniqladi.
Avvalroq niderlandiyalik kiberxavfsizlik bo‘yicha mutaxassis, GDI Foundation notijorat tashkiloti hamasoschisi Viktor Gevers AQShning sobiq prezidenti Donald Trampning parolini taxmin qilib topib, uning Twitter’iga kira olganini ma’lum qilgan edi.
Izoh (0)