2021-yilning fevralida Universal Pictures studiyasi “Shrek” multfilmini 4K Ultra HD sifatda taqdim etishi ma’lum bo‘lgandi. “Film.ru”ning yozishicha, multfilmning Blu-ray va DVD ma’lumot tashuvchilardagi varianti 11-may kuni sotuvga chiqadi.
“Shrek” multfilmi bundan 20 yil oldin, 2001-yilning 12-mayida Kann kinofestivalida birinchi bor namoyish etilgandi. Ta’kidlanishicha, ma’lumot tashuvchi vositalarga, shuningdek, qo‘shimcha to‘rt soatli materiallar, jumladan, qisqa metrajli filmlar, qirqilgan sahnalar va film ijodkorlarining izohlari ham yoziladi.
Bundan tashqari, 25-, 28- va 29-aprel kunlari multfilm Amerika kinoteatrlarida qayta namoyish etiladi. Bu “Shrek”ning 4K UHD sifatdagi birinchi namoyishiga aylanadi.
Eslatib o‘tamiz, 2020-yilning dekabrida “Qora ritsar”, “Shrek”, “Murvatli apelsin” va boshqa qator lentalar Amerika filmlarining milliy reyestriga kiritilgan edi.
Izoh (0)