Aktyor Alisher Otaboyev “qo‘shiq aytish harom, rol o‘ynash harom”, deganlarga munosabat bildirdi. Bu haqda aktyor jurnalist Feruz Muhammadga bergan intervyusida to‘xtalib o‘tdi.
Yaxshi yo‘lga kiribsan, dilingga Alloh shuni solibdi bu yaxshi. Lekin suvni maza qilib ichib bo‘lib, keyin boshqa ichayotganlarga qarata “Shu harom narsani ichib o‘tiribsizlarmi?”, deb yuborsam, qanaqa qiynalib ketasiz. “Buni sen ham ichib, shu yerda non yeb yurganding-ku”, deysizmi?Ma‘lumot uchun, Alisher Otaboyev 1980-yildan 2013-yilgacha Muqimiy nomidagi O‘zbek davlat musiqali teatrda ishlagan. Teatrda 50 dan ortiq, kinoda 100 dan ortiq turli darajadagi rollarni ijro etgan.“Qo‘shiq aytish harom, rol o‘ynash harom” — bir nima, bir nimalar deyishmoqda. Axir insoniyat paydo bo‘lgandan buyon alla aytiladi, alla she’r emas, monolog emas, qo‘shiq-ku. O‘shalarni ham onasi alla aytgandir. Allani barcha millat vakillari aytadi-ku.
Ularning tutgan yo‘li juda to‘g‘ri, ammo nima qiladi oyligini oylikka ulab, bolasiga bitta oyoq kiyim olib bera olmaydigan bechora aktyorlarni haromga chiqarib. To‘yni kutib yashayotgan qo‘shiqchilarning ishini haromga chiqarishning nima keragi bor.
Masalan, haq yo‘lga kirgan inson “O‘rtoqlar, men ertadan haq yo‘lga kirdim”, deya e’lon qilishi kerak emas-ku.
Nahotki shuncha ustozlarimizning mehnati harom bo‘lsa. Bu mening shaxsiy fikrim. Men bularni o‘zimdan xafa bo‘lganimdan gapiryapman. Axir bola-chaqam otamning kasbi harom ekan, deydimi. Tuzini yeb, tuzlug‘iga tupuradiganlarga ming la’natlar bo‘lsin.
Ulardan juda xafa bo‘ldim, hammasiga insof bersin.
Alisher Otaboyev, aktyor
Izoh (0)