2021 йилнинг февралида Universal Pictures студияси «Шрек» мультфильмини 4K Ultra HD сифатда тақдим этиши маълум бўлганди. «Film.ru»нинг ёзишича, мультфильмнинг Blu-ray ва DVD маълумот ташувчилардаги варианти 11 май куни сотувга чиқади.
«Шрек» мультфильми бундан 20 йил олдин, 2001 йилнинг 12 майида Канн кинофестивалида биринчи бор намойиш этилганди. Таъкидланишича, маълумот ташувчи воситаларга, шунингдек, қўшимча тўрт соатли материаллар, жумладан, қисқа метражли фильмлар, қирқилган саҳналар ва фильм ижодкорларининг изоҳлари ҳам ёзилади.
Бундан ташқари, 25, 28 ва 29 апрель кунлари мультфильм Америка кинотеатрларида қайта намойиш этилади. Бу «Шрек»нинг 4К UHD сифатдаги биринчи намойишига айланади.
Эслатиб ўтамиз, 2020 йилнинг декабрида «Қора рицар», «Шрек», «Мурватли апельсин» ва бошқа қатор ленталар Америка фильмларининг миллий реестрига киритилган эди.
Изоҳ (0)