Актёр Алишер Отабоев «қўшиқ айтиш ҳаром, роль ўйнаш ҳаром», деганларга муносабат билдирди. Бу ҳақда актёр журналист Феруз Муҳаммадга берган интервьюсида тўхталиб ўтди.
Яхши йўлга кирибсан, дилингга Аллоҳ шуни солибди — бу яхши. Лекин сувни маза қилиб ичиб бўлиб, кейин бошқа ичаётганларга қарата «Шу ҳаром нарсани ичиб ўтирибсизларми?», деб юборсам, қанақа қийналиб кетасиз. «Буни сен ҳам ичиб, шу ерда нон еб юргандинг-ку» дейсизми?Маълумот учун, Алишер Отабоев 1980 йилдан 2013 йилгача Муқимий номидаги Ўзбек давлат мусиқали театрда ишлаган. Театрда 50 дан ортиқ, кинода 100 дан ортиқ турли даражадаги ролларни ижро этган.«Қўшиқ айтиш ҳаром, роль ўйнаш ҳаром» — бир нима, бир нималар дейишмоқда. Ахир инсоният пайдо бўлгандан буён алла айтилади, алла шеър эмас, монолог эмас, қўшиқ-ку. Ўшаларни ҳам онаси алла айтгандир. Аллани барча миллат вакиллари айтади-ку.
Уларнинг тутган йўли жуда тўғри, аммо нима қилади ойлигини ойликка улаб, боласига битта оёқ кийим олиб бера олмайдиган бечора актёрларни ҳаромга чиқариб. Тўйни кутиб яшаётган қўшиқчиларнинг ишини ҳаромга чиқаришнинг нима кераги бор.
Масалан, ҳақ йўлга кирган инсон «Ўртоқлар, мен эртадан ҳақ йўлга кирдим», дея эълон қилиши керак эмас-ку.
Наҳотки шунча устозларимизнинг меҳнати ҳаром бўлса. Бу менинг шахсий фикрим. Мен буларни ўзимдан хафа бўлганимдан гапиряпман. Ахир бола-чақам отамнинг касби ҳаром экан, дейдими. Тузини еб, тузлуғига тупурадиганларга минг лаънатлар бўлсин.
Улардан жуда хафа бўлдим, ҳаммасига инсоф берсин.
Алишер Отабоев, актёр
Изоҳ (0)