Qozog‘iston ta’lim va fan vaziri Asxat Aymagambetov maktablarda 12 yillik ta’lim va lotin yozuviga o‘tish rejalari haqida gapirdi. Bu haqda Tengrinews xabar berdi.
Vazirning so‘zlariga ko‘ra, yangilangan tarkibga o‘tish rejasi 100 foiz ishlab chiqilgan.
“Barcha hududlarda bolalar xavfsizligini ta’minlash maqsadida barcha maktablar videokuzatuv kamerasi bilan 100 foiz, isitiladigan hojatxonalar bilan 99 foiz ta’minlangan.
Mamlakatda 2023-yildan boshlab bosqichma-bosqich 12 yillik ta’limga o‘tish rejalashtirilgan. Buning uchun qilinadigan ishlar ko‘p, xususan, davlat standarti, o‘quv dasturlari va namunaviy o‘quv dasturlarini yangilash singari. Matematika, informatika va tillar ustuvor fanga aylanadi. Qozog‘iston tarixi va jahon tarixi bo‘yicha yagona darsliklar joriy etiladi. 2023-yildan boshlab lotin grafikasini joriy etish rejalashtirilmoqda”, — dedi Aymagambetov Ta’lim va fan vazirligining kengaytirilgan hay’at yig‘ilishida.
Avvalroq Qozog‘iston Ichki ishlar vazirligi Olmaotada bolalarni kuzatuvchi tajriba loyihasini yo‘lga qo‘ygani haqida xabar berilgandi. Ta’kidlanishicha, kuzatuvchi qurilmaning ishlashi uchun internetga ulanish shart emas. Uni ishlatish uchun faqat Bluetooth’ning o‘zi kifoya.
Izoh (0)