Fors ko‘rfazi mamlakatlariga, shu jumladan, Qatar va Saudiya Arabistoniga juda kuchli qum bo‘roni yopirildi, deb xabar beradi “RIA Novosti”.
https://twitter.com/ThierryJFT/status/1370841717553893376
12-mart kuni kechqurun mintaqada yilning bu davri uchun noan’anaviy bo‘lgan dimiqtiradigan issiq havo kuzatildi, so‘ng kuchli shamol boshlangan. Buning natijasida qum va chang bulutlari havoga ko‘tarilib, osmonni to‘sib qo‘ygan va ko‘rinish darajasi juda past bo‘lgan. Chang va qum binolarni va mashinalarni qoplab olgan, deraza tirqishlari orqali uylarning ichiga ham kirgan.
Qum bo‘roni o‘zi bilan birga sovuq havoni olib kelgan. Qatar poytaxti Dohada harorat keskin pasayib, +16 darajaga teng bo‘lib qolgan.
O‘tgan dam olish kunlari ob-havo tufayli fuqarolik va harbiy aviatsiya faolligi kamaygan. Manbalarga ko‘ra, chang bo‘roni tufayli Saudiya Arabistoni Harbiy-havo kuchlari parvozlari bekor qilingan.
“14-mart, yakshanba kuni mintaqadagi ob-havo yaxshilana boshladi, ammo hamon shiddatli shamol esib turibdi”— deyiladi xabarda.
Bugun, 15-mart kuni esa kuchli qum bo‘roni Xitoy poytaxti Pekinda qayd etilgan, shu tufayli hukumat shaharda xavfning sariq darajasini e’lon qilgan.
#Sandstorm hits Beijing amid morning rush hour, have not seen this in past ten years. pic.twitter.com/FTUfw2Zxe1
— Shen Shiwei 沈诗伟 (@shen_shiwei) March 15, 2021
“Mayda qattiq zarralar konsentratsiyasi PM 10 shaharning markaziy tumanlarida bir kub metrga 8000 mikrogrammdan oshib ketdi, bu Jahon sog‘liqni saqlash tashkiloti (JSST) tomonidan belgilangan maksimal me’yor — 50 mikrogramm/kubometrdan 160 marta yuqori demakdir”, — deyiladi xabarda.
🔴 #BREAKING | A capital chinesa, Pequim, amanheceu coberta por uma espessa poeira marrom nesta segunda-feira, no que a agência meteorológica chamou de a maior tempestade de areia em uma década. (Reuters)#Pequim #Beijing #sandstormpic.twitter.com/cfhvBpym3E
— Mundo News (@Mundo__News) March 15, 2021
Ta’kidlanishicha, tabiiy ofat oqibatida yo‘llarda tirbandliklar yuzaga kelgan, ko‘rinish darajasi juda past. Prognozlarga ko‘ra, bo‘ron bir kundan keyingina “tinchlanishni” boshlaydi.
Pekin poytaxt aeroportida 15-martga rejalashtirilgan 1141 ta reysning 247 tasi, Dasin aeroportida esa 846 ta reysning 181 tasi bekor qilingan.
Izoh (0)