Pekinga yopirilgan so‘nggi o‘n yillikdagi eng kuchli qum bo‘roni — fotosuratlarda
Xitoy poytaxti Pekin so‘nggi o‘n yil ichidagi eng kuchli qum bo‘roniga duch keldi. Poytaxtdagi ikkita aeroport 400 ga yaqin aviareysni bekor qildi — Shoudu xalqaro aeroportida 15-martga rejalashtirilgan 1141 ta aviareysning 247 tasi, Dasin aeroportida 846 ta aviareysdan 181 tasi. Meteorologlarning prognozlariga ko‘ra, bo‘ron 16-mart tongiga qadar davom etadi hamda mamlakatdagi 12 ta viloyat va mintaqaga — Shinjon-Uyg‘ur avtonom viloyatidan to Rossiya chegarasidagi shimoliy-sharqiy Xeylunszyan viloyatigacha o‘z ta’sirini o‘tkazadi. Tabiiy ofat tufayli Pekin shahri qay tusga kirgani haqida “Interfaks” fotoreportaj tayyorladi.
Osmono‘par binolar qalin jigarrang tuman ostida qoldi, shaharda 1000 metrdan ortiq masofani ko‘rib bo‘lmaydi. Aholiga o‘ta zarurat bo‘lmasa, ko‘chaga chiqmaslik tavsiya qilinmoqda.Foto: “TASS”
Pekinda qum bo‘roni tirbandliklarga sabab bo‘ldi. Mayda qattiq zarralar konsentratsiyasi PM 10 shaharning markaziy tumanlarida bir kub metrga 8000 mikrogrammdan oshib ketdi, bu Jahon sog‘liqni saqlash tashkiloti (JSST) tomonidan belgilangan maksimal me’yor — 50 mikrogramm/kubometrdan 160 marta yuqori demakdir.Foto: AP Photo
Ekologlar ushbu ifloslangan havoning inson salomatligiga zararli ta’siri haqida ogohlantirdi, bunday havoda eng kichik qum zarralari sanoat va avtomobil chiqindilari bilan aralashib ketgan bo‘ladi.Foto: AP Photo
Ayrim ekologlar ushbu chang bo‘ronlariga sabab Ichki Mo‘g‘ulistonning cho‘l va yarim cho‘l mintaqalaridagi ko‘plab qarovsiz konlar, shuningdek, mamlakatning shimolida o‘tgan asrning 60—70-yillarida daraxtlarning nazoratsiz kesilishi, deb hisoblamoqda.Foto: AP Photo
Xitoyda qum bo‘ronlari uchun to‘rt darajali rangda ob-havo ogohlantirish tizimi mavjud bo‘lib, bular birinchi qizil — eng xavfli, so‘ngra to‘q sariq, sariq va ko‘k ranglar bilan belgilanadi. Ayni paytda shaharda xavfning sariq darajasi e’lon qilingan.Foto: AP Photo
Izoh (0)