Mo‘g‘ulistonda qum bo‘roni oqibatida olti kishi halok bo‘ldi, yana 80 dan ortiq odam bedarak yo‘qoldi. Bu haqda CGTN telekanali mamlakat Favqulodda vaziyatlar boshqarmasiga tayanib xabar bermoqda.
Qurbonlar orasida besh nafar cho‘pon va bir yosh bola borligi aytilmoqda. Shuningdek, 548 kishi bedarak yo‘qolgan, ularning 467 nafari topilgan, ayni paytda qutqaruvchilar 81 kishini qidirmoqda.
Mo‘g‘uliston g‘arbidagi ba’zi hududlarda qum bo‘roni natijasida elektr energiyasining keng ko‘lamli uzilishlari kuzatilmoqda.
Eslatib o‘tamiz, o‘tgan hafta oxirida Fors ko‘rfazi mamlakatlariga, shu jumladan, Qatar va Saudiya Arabistoniga, 15-mart kuni esa Xitoy poytaxti Pekinga kuchli chang va qum bo‘roni yog‘ildi. Fors ko‘rfazi mamlakatlarida o‘tgan dam olish kunlari ob-havo tufayli fuqarolik va harbiy aviatsiya faolligi kamaygan. Manbalarga ko‘ra, chang bo‘roni tufayli Saudiya Arabistoni Harbiy havo kuchlari parvozlari bekor qilingan. Pekin aeroportida 15-martga rejalashtirilgan 1141 ta reysning 247 tasi, Dasin aeroportida esa 846 ta reysning 181 tasi bekor qilingan.
Izoh (0)