Futbol bo‘yicha O‘zbekiston Superligasining 2-turida “Lokomotiv” va “Navbahor” jamoalari 14-mart, yakshanba kuni o‘zaro to‘qnash keldi.
Uchrashuv debyutida hakam videotakrorlarga murojaat qilib, mezbonlar darvozasi tomon penalti belgiladi. 11 metrlik jarima zarbasini Azim Ahmedov golga aylantirdi. 36-daqiqada “temiryo‘lchilar” penalti tepish imkoniyatiga ega bo‘ldi va undan G‘ulomhaydar G‘ulomov unumli foydalandi. Bu vaziyatda ham jarima zarbasi VAR’dan keyin belgilangandi.
Ikkinchi bo‘limning ikkinchi yarmida ham hakam uchinchi bor videotakrorlardan keyin 11 metrlik nuqtani ko‘rsatdi. Biroq Ahmedov bu safar imkoniyatdan unumli foydalana olmadi. Oradan ko‘p o‘tmay, 76-daqiqada “Navbahor”ning kombinatsiyasini Ehsoni Panshanbe muvaffaqiyatli yakunladi.
Shu tariqa “Navbahor” Viktor Jalilov qo‘l ostidagi dastlabki o‘yinni g‘alaba bilan yakunladi. “Lokomotiv” esa ketma-ket ikkinchi mag‘lubiyatni qabul qilib oldi.
“Lokomotiv” — “Navbahor” uchrashuvidagi gollar videosini bu yerda tomosha qilish mumkin — video.
Superliga
2-tur bahsi
14-mart, yakshanba
“Lokomotiv” — “Navbahor” 1:2
Gollar: 0:1 – 13, penalti Ahmedov, 1:1 – 36, penalti G‘ulomov, 1:2 – 76 Panshanbe.“Lokomotiv”: 35.Javohir Ilyosov 3.Islom Qobilov, 4.Dilshodbek Komilov, 7.Sadriddin Abdullayev (27.Islom Rashidxonov, 74), 8.Javohir Sidiqov, 11.Temurxo‘ja Abduxoliqov (10.Marat Bikmayev, 63), 17.Sanjar Qodirqulov, 21.G‘ulomhaydar G‘ulomov 22.Diyego Bardanka, 28.Shuhrat Muhammadiyev, 77.Diyor Turopov (14.Azizbek Omonov, 63).
“Navbahor”: 1.O‘tkir Yusupov, 7.Azimjon Ahmedov, 9.Ivan Solovyov, 10.Quvondiq Ro‘ziyev, 11.Islombek Isoqjonov (70.Abbos G‘ulomov, 85), 18.Bahrom Abdurahimov (17.Ehsoni Panshanbe, 63), 19.Mirzohid G‘ofurov, 22.Igor Golban, 24.Davron Hoshimov, 25.Shohrux Mahmudhojiyev (88.Slavisha Stoyanovich, 67), 67.Marko Putinchanin.
Ogohlantirishlar: Turopov (13), Hoshimov (35), Qodirqulov (42), G‘ulomov (51).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)